កាលពីថ្ងៃទី២២.០៧.២០២៦ រុស្ស៊ីបានប្រកាសថា កងកម្លាំងរបស់ខ្លួន បានវាយប្រហារទៅលើទីក្រុងOdesa និង Chornomorsk របស់ប្រទេសអ៊ុយក្រែន។
ដោយបានកំណត់គោលដៅលើហេដ្ឋារចនាសម្ព័ន្ធកំពង់ផែ និងនាវាដែលខ្លួនអះអាងថា កំពុងដឹកជញ្ជូនផ្គត់ផ្គង់ដល់យោធាអ៊ុយក្រែន។
សារព័ត៌មាន Reuters។
ក្រសួងការពារជាតិរុស្ស៊ី បញ្ជាក់ថា ការវាយប្រហារថ្មីៗនេះ បានវាយចំនាវាដឹកទំនិញស្ងួតមួយគ្រឿង ដែលកំពុងទម្លាក់ទំនិញនៅកំពង់ផែ Chornomorsk ព្រមទាំងបានវាយប្រហារលើឃ្លាំងស្តុកទំនិញយោធា និងអាងស្តុកប្រេងឥន្ធនៈផងដែរ។ បន្ថែមពីនេះ រុស្ស៊ី ក៏បានវាយប្រហារទីតាំងស្តុកទំនិញនៅកំពង់ផែ Odesa និងនាវាដឹកទំនិញពីរគ្រឿងទៀត ដែលកំពុងដឹកទំនិញផ្គត់ផ្គង់កងទ័ពអ៊ុយក្រែន។
ក្រសួង បន្ថែមថាយន្តហោះដ្រូនរបស់រុស្ស៊ី ក៏បានវាយកម្ទេចឃ្លាំងស្តុកដ្រូនរបស់អ៊ុយក្រែនចំនួន ៣កន្លែងផងដែរ។
ក្នុងរយៈពេលជិត៤ឆ្នាំកន្លះនៃសង្គ្រាម រុស្ស៊ី និងអ៊ុយក្រែន បានបង្កើនសកម្មភាពយោធារបស់ខ្លួនយ៉ាងខ្លាំងនៅក្នុង និងជុំវិញសមុទ្រខ្មៅ និងសមុទ្រអាហ្សូវ (Sea of Azov)ដោយភាគីនីមួយៗបានវាយប្រហារលើនាវារាប់សិបគ្រឿង រួមទាំងនាវាដឹកប្រេង និងនាវាដឹកទំនិញផ្សេងៗ៕
