សង្គ្រាមរវាងរុស្ស៊ីនិងអ៊ុយក្រែន កំពុងកាន់តែខ្លាំងនៅលើអាកាស ខណៈសមរភូមិជើងគោកភាគច្រើនមិនមានការប្រែប្រួលខ្លាំង។ ភាគីទាំងពីរបានបង្កើនការប្រើប្រាស់ដ្រូន និងមីស៊ីលវាយប្រហារទៅលើគោលដៅនៅក្នុងទឹកដីរបស់គ្នាទៅវិញទៅមក។
ប្រភពពីសារព័ត៌មានCNN នៅថ្ងៃទី១៩ខែសីហា។
អ្នកវិភាគនិយាយថា សមត្ថភាពវាយប្រហាររបស់រុស្ស៊ី និងអ៊ុយក្រែនកំពុងកើនឡើងលឿនជាងសមត្ថភាពការពារដែនអាកាស។ ដូច្នេះ ការវាយប្រហារកាន់តែច្រើនអាចឆ្លងកាត់ប្រព័ន្ធការពារ និងបំផ្លាញអគារស្នាក់នៅ ហេដ្ឋារចនាសម្ព័ន្ធ និងទីតាំងសេដ្ឋកិច្ច។
អ្នកជំនាញយល់ថា ការកើនឡើងនៃការវាយប្រហារតាមអាកាសកំពុងធ្វើឲ្យចំនួនអ្នកស្លាប់ និងរបួសកើនឡើង ហើយ ប្រជាជនស៊ីវិលកំពុងក្លាយជាអ្នករងគ្រោះសំខាន់ពីការកើនឡើងនៃសង្គ្រាមអាកាសនេះ៕
