ជំនួយការវិមានក្រឹមឡាំង លោក Yury Ushakov បានឱ្យដឹងកាលពីថ្ងៃទី១៨ ខែវិច្ឆិកា ឆ្នាំ២០២៦ ថា ប្រធានាធិបតីរុស្ស៊ី លោក Vladimir Putin និងប្រធានាធិបតីអាមេរិក លោក Donald Trump អាចជួបពិភាក្សាទ្វេភាគីគ្នានៅប្រទេសចិន នៅល្ងាចថ្ងៃពុធនេះ ក្នុងអំឡុងពេលចូលរួមកិច្ចប្រជុំកំពូល APEC នៅទីក្រុង Shenzhen។
សារព័ត៌មានAnadolu Agency។
លោក Ushakov បានបញ្ជាក់ថា មេដឹកនាំទាំងពីរប្រាកដជានឹងជួបគ្នានៅថ្ងៃព្រហស្បតិ៍ផងដែរ ហើយអាចមានជំនួបច្រើនលើកក្នុងអំឡុងពេលកិច្ចប្រជុំ។ លោកបន្ថែមថា ការជួបពិភាក្សានឹងផ្តោតលើបញ្ហាសំខាន់ៗជាច្រើន ដោយមិនថាជាការជួបផ្លូវការ ឬក្រៅផ្លូវការឡើយ។
លោកពូទីនបានទៅដល់ទីក្រុង Shenzhen កាលពីយប់ថ្ងៃអង្គារ ដើម្បីចូលរួមកិច្ចប្រជុំកំពូល APEC រយៈពេលពីរថ្ងៃ ខណៈលោកត្រាំបានទៅដល់ទីក្រុងនេះនៅថ្ងៃពុធ។
ជាពិសេស មេដឹកនាំទាំងពីរក៏គ្រោងនឹងចូលរួមកិច្ចប្រជុំបីភាគីជាមួយប្រធានាធិបតីចិន លោក Xi Jinping នៅថ្ងៃព្រហស្បតិ៍ផងដែរ។ កិច្ចពិភាក្សានេះត្រូវបានរំពឹងថា នឹងផ្តោតលើការកាត់បន្ថយអាវុធនុយក្លេអ៊ែរ សង្គ្រាមរុស្ស៊ី-អ៊ុយក្រែន បញ្ហាអ៊ីរ៉ង់ និងពាណិជ្ជកម្មអន្តរជាតិ៕

