ប្រធានសិទ្ធិមនុស្សអង្គការសហប្រជាជាតិ លោក Volker Türk បានរិះគន់សកម្មភាពរបស់អ៊ីស្រាអែលក្នុងការរុះរើ និងសម្អាតគំនរបាក់បែកនៅតំបន់ហ្គាហ្សា ដោយនិយាយថា មានការខ្វះការគោរពចំពោះអ្នកស្លាប់ដែលនៅកប់ក្រោមអគារបាក់រលំ។
ប្រភពពីសារព័ត៌មានAl Jazeera នៅថ្ងៃទី១៦ខែកញ្ញា។
លោកបាននិយាយថា តំបន់ជាច្រើននៅហ្គាហ្សាត្រូវបានបំផ្លាញដោយការទម្លាក់គ្រាប់បែក និងការវាយកម្ទេច។ នៅពេលកំពុងរុះរើគំនរបាក់បែក អាជ្ញាធរបានរកឃើញសាកសពជាច្រើន ដែលខ្លះហាក់ដូចជាសមាជិកគ្រួសារទាំងមូល។ ជនរងគ្រោះជាច្រើនជាស្ត្រី និងកុមារ។
អង្គការសហប្រជាជាតិបានព្រមានថា ការរុះរើគំនរបាក់បែកដោយគ្រឿងចក្រធុនធ្ងន់ អាចធ្វើឱ្យបាត់បង់ ឬបំផ្លាញភស្តុតាងដែលអាចពាក់ព័ន្ធនឹងការស៊ើបអង្កេតអំពើឧក្រិដ្ឋកម្មសង្គ្រាម។
តាមការប៉ាន់ស្មានរបស់ UN សង្គ្រាមនៅហ្គាហ្សាបានបង្កើតកម្ទេចកម្ទីប្រមាណ ៦១ លានតោន ហើយការសម្អាតអាចចំណាយពេលរហូតដល់ ៧ ឆ្នាំ។
ទោះមានបទឈប់បាញ់ដែលសម្របសម្រួលដោយសហរដ្ឋអាមេរិកកាលពីខែតុលា ឆ្នាំ២០២៥ ក៏ការវាយប្រហារនៅតែបន្តកើតមាន។ តាមអាជ្ញាធរហ្គាហ្សា មនុស្សប៉ាឡេស្ទីនជាង ១,៣០០ នាក់ ត្រូវបានសម្លាប់ចាប់តាំងពីបទឈប់បាញ់ចូលជាធរមាន៕
