បារាំង នឹងដាក់ពង្រាយកងកម្លាំង៧០.០០០នាក់ ដើម្បីត្រៀមទប់ទល់ និងគម្រោងធ្វើបាតុកម្មតវ៉ាជាថ្មីនៅថ្ងៃសៅរ៍ទី៣១ ខែតុលា ឆ្នាំ២០២៦។
សារព័ត៌មាន Reuters។
សូមជម្រាបថា បាតុកម្មតវ៉ាទូទាំងប្រទេសបារាំង កាលពីកន្លងទៅមកពីក្រុមបាតុករ ខឹងសម្បារនឹងការកើនឡើងការចំណាយលើជីវភាពប្រចាំថ្ងៃ ការថយចុះសេវាសាធារណៈ.វិស័យអប់រំ និងការខឹងសម្បារចំពោះរដ្ឋាភិបាលរបស់លោកប្រធានាធិបតី Emmanuel Macron។
*គម្រោងបាតុកម្មតវ៉ាទូទាំងប្រទេស.ចំពេលពិធីបុណ្យ Halloween កើតមានឡើង២សប្ដាហ៍ បន្ទាប់ពីកុបកម្ម និងការប្លន់ហាងទំនិញបានធ្វើឱ្យកងកម្លាំងសន្តិសុខមានការភ្ញាក់ផ្អើលជាខ្លាំង ព្រមទាំងបន្សល់ទុកការខូចខាតហាងទំនិញ និងអគារសាធារណៈនៅតាមទីក្រុងជាច្រើន។
រដ្ឋមន្ត្រីមហាផ្ទៃបារាំង លោក Laurent Nunez បានប្ដេជ្ញាចនឹងមិនឱ្យរឿងបែបនេះកើតឡើងសាជាថ្មីឡើយ។
តាមលោក Laurent Nunez កងកម្លាំងសន្តិសុខបារាំងកំពុងប្រុងជើងការខ្ពស់ជុំវិញលទ្ធភាពដែលក្រុមកុបករមួយចំនួនអាចនឹងប្រើប្រាស់ ឬពាក់ម៉ាសបិទមុខក្នុងពិធីបុណ្យ Halloween ដើម្បីបិទបាំងអត្តសញ្ញាណរបស់ពួកគេ។
លោកបន្ថែមថាច្បាប់បានអនុញ្ញាតឱ្យប៉ូលិសដាក់ចេញបម្រាមលើការពាក់ម៉ាសបិទមុខ ក្នុងករណីសណ្ដាប់ធ្នាប់សាធារណៈប្រឈមនឹងហានិភ័យ។
ជុំវិញគម្រោងធ្វើបាតុកម្មតវ៉ា នៅបារាំងផងដែរ ស្ថានទូតអាមេរិក បានណែនាំឱ្យពលរដ្ឋអាមេរិកចៀសវាងការធ្វើដំណើរទៅកាន់ទីតាំងដែលមានបាតុកម្មតវ៉ា ឬមានការប្រមូលផ្ដុំគ្នាទ្រង់ទ្រាយធំ។
បាតុកម្មតវ៉ាទ្រង់ទ្រាយធំនៅបារាំងបានផ្ទុះឡើងកាលពីចុងខែកញ្ញាកន្លងទៅ ខណៈរដ្ឋាភិបាលសំឡេងភាគតិចរបស់លោក Macron ប្រកាសបើកកិច្ចពិភាក្សាស្ដីពីការអនុម័តកញ្ចប់ថវិកាឆ្នាំ២០២៧៕
