រដ្ឋមន្ត្រីការបរទេសអាមេរិក លោក ម៉ាកូ រូប៊ីអូ (Marco Rubio) បានជួបពិភាក្សាជាមួយរដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ ហ្វៃសាល់ ប៊ីន ហ្វារ៉ាន អាល់សាអ៊ូដ (Faisal bin Farhan Al Saud) នៅទីក្រុងអាត្លង់តា សហរដ្ឋអាមេរិក កាលពីថ្ងៃសុក្រ ទី៣០ ខែតុលា ឆ្នាំ២០២៦ ដើម្បីពិភាក្សាអំពីកិច្ចសហប្រតិបត្តិការ និងបញ្ហាតំបន់។
ប្រភពពីសារព័ត៌មានAnadolu Agency។
តាមក្រសួងការបរទេសអាមេរិក មេដឹកនាំការទូតទាំងពីរបានផ្លាស់ប្តូរយោបល់លើបញ្ហាសំខាន់ៗក្នុងតំបន់ រួមមានស្ថានការណ៍នៅអ៊ីរ៉ង់ ស៊ូដង់ និងយេម៉ែន។
ក្នុងជំនួបនេះ លោក ម៉ាកូ រូប៊ីអូ ក៏បានចុះហត្ថលេខាលើកិច្ចព្រមព្រៀងជាផ្លូវការ ដើម្បីឱ្យសហរដ្ឋអាមេរិកចូលរួមក្នុងពិព័រណ៍ពិភពលោក Expo 2030 ដែលគ្រោងរៀបចំឡើងនៅទីក្រុងរីយ៉ាដ ប្រទេសអារ៉ាប៊ីសាអូឌីត។
កិច្ចព្រមព្រៀងនេះមានគោលបំណងបង្ហាញពីបច្ចេកវិទ្យា និងនវានុវត្តន៍របស់អាមេរិក ព្រមទាំងពង្រីកឱកាសអាជីវកម្មសម្រាប់ក្រុមហ៊ុនអាមេរិក និងពង្រឹងទំនាក់ទំនងភាពជាដៃគូរវាងប្រទេសទាំងពីរ។
ជំនួបនេះធ្វើឡើងក្នុងកិច្ចប្រជុំរដ្ឋមន្ត្រីការបរទេស G20 រយៈពេលពីរថ្ងៃ ដែលរៀបចំដោយសហរដ្ឋអាមេរិកនៅទីក្រុងអាត្លង់តា ដោយមានការចូលរួមពីរដ្ឋមន្ត្រីការបរទេសនៃប្រទេសសេដ្ឋកិច្ចធំៗ ដើម្បីពិភាក្សាអំពីបញ្ហាសេដ្ឋកិច្ច និងភូមិសាស្ត្រនយោបាយពិភពលោក៕
