ប្រទេសស៊ែប៊ី បានចាប់ខ្លួនមន្ត្រីប៉ូលិសកំពុងបម្រើការចំនួន៩នាក់ និងអតីតមន្ត្រីប៉ូលិសម្នាក់ ពាក់ព័ន្ធនឹងការប្រើកម្លាំងហួសហេតុ និងធ្វើទារុណកម្មលើក្រុមនិស្សិត និងបាតុករ ក្នុងអំឡុងពេលបាតុកម្មកាលពីឆ្នាំ២០២៥។
សារព័ត៌មានAl Jazeera នៅថ្ងៃទី៦ខែវិច្ឆិកា។
យោងតាមក្រសួងមហាផ្ទៃស៊ែប៊ី ជនសង្ស័យទាំង ១០នាក់ ត្រូវបានចោទប្រកាន់ថា បានប្រើអំពើហិង្សា និងគំរាមកំហែងធ្វើឱ្យមនុស្សមួយចំនួនរងការឈឺចាប់យ៉ាងខ្លាំង នៅក្នុងចំណតរថយន្តនៃអគាររដ្ឋាភិបាលមួយក្នុងទីក្រុងបែលក្រាដ កាលពីខែសីហា ឆ្នាំ២០២៥ ដើម្បីបង្ខំឱ្យពួកគេផ្តល់ព័ត៌មាន បំភ័យ និងដាក់ទណ្ឌកម្មដោយខុសច្បាប់។
ការចាប់ខ្លួននេះធ្វើឡើងក្រោយប្រទេសស៊ែប៊ីបានជួបប្រទះបាតុកម្មប្រឆាំងអំពើពុករលួយជាបន្តបន្ទាប់។ បាតុកម្មបានចាប់ផ្តើមក្រោយគ្រោះថ្នាក់ដួលរលំដំបូលស្ថានីយរថភ្លើងក្នុងទីក្រុង Novi Sad កាលពីខែវិច្ឆិកា ឆ្នាំ២០២៤ ដែលបណ្តាលឱ្យមនុស្ស ១៦នាក់ស្លាប់។
ក្រុមបាតុករបានចាត់ទុកគ្រោះថ្នាក់នេះថា ជាសញ្ញាបង្ហាញពីបញ្ហាអំពើពុករលួយ និងការគ្រប់គ្រងមិនល្អនៅក្នុងរដ្ឋាភិបាលក្រោមការដឹកនាំរបស់អតីតប្រធានាធិបតី Aleksandar Vucic។
បាតុកម្មទាំងនេះបានបន្តរហូតដល់មានការប្រែប្រួលនយោបាយ និងការបរាជ័យក្នុងការបោះឆ្នោតរបស់ក្រុមគាំទ្រអតីតប្រធានាធិបតីរូបនេះ៕
