ប្រទេសកេនយ៉ា បានអនុញ្ញាតឱ្យអ្នកជំងឺអេបូឡាចុងក្រោយចេញពីមន្ទីរពេទ្យនៅថ្ងៃពុធ ទី១១ ខែវិច្ឆិកា ឆ្នាំ២០២៦ ដោយចាប់ផ្តើមរាប់ថយក្រោយរយៈពេល ៤២ថ្ងៃ ដើម្បីប្រកាសថាប្រទេសនេះគ្មានជំងឺអេបូឡា ប្រសិនបើមិនមានករណីឆ្លងថ្មីកើតឡើងក្នុងអំឡុងពេលនេះ។
សារព័ត៌មានNBC។
កេនយ៉ាបានរកឃើញអ្នកឆ្លងជំងឺអេបូឡាចំនួន ៩នាក់ កាលពីខែតុលា បន្ទាប់ពីអ្នកជំងឺដំបូងម្នាក់បានធ្វើដំណើរពីប្រទេសកុងហ្គោ ឆ្លងកាត់ប្រទេសអ៊ូហ្គង់ដា ហើយបានចម្លងជំងឺទៅសមាជិកគ្រួសារ ៤នាក់ និងបុគ្គលិកសុខាភិបាល ៤នាក់។
ក្នុងចំណោមអ្នកជំងឺទាំង ៩នាក់ មាន ២នាក់បានស្លាប់ រួមទាំងអ្នកជំងឺដំបូង និងម្តាយរបស់គាត់ ខណៈអ្នកជំងឺ ៧នាក់ផ្សេងទៀតបានជាសះស្បើយទាំងស្រុង។ រដ្ឋាភិបាលក៏បានកំណត់អត្តសញ្ញាណមនុស្សចំនួន ១៣៥នាក់ ដែលធ្លាប់មានទំនាក់ទំនងជាមួយអ្នកជំងឺដំបូងផងដែរ។
ទោះជាយ៉ាងណា ចំនួនអ្នកឆ្លងជំងឺអេបូឡានៅតំបន់ទូលំទូលាយជុំវិញនោះ បានកើនឡើងលើសពី ១១.០០០នាក់ ចាប់តាំងពីការផ្ទុះឡើងនៃជំងឺនេះក្នុងខែឧសភា៕
