លោកត្រាំ ព្យាយាមស្វែងរកឱកាសជួបជាមួយលោក គីម ជុងអ៊ុន!

ប្រធានាធិបតីអាមេរិក លោក ដូណាល់ ត្រាំ បានព្យាយាមស្វែងរកឱកាសជួបមេដឹកនាំកូរ៉េខាងជើង លោក គីម ជុងអ៊ុន ក្នុងដំណើរទស្សនកិច្ចនៅអាស៊ីសប្ដាហ៍នេះ ប៉ុន្តែការជួបគ្នានេះមិនបានកើតឡើងឡើយ។
សារព័ត៌មានCNA នៅថ្ងៃទី២១ខែវិច្ឆិកា។

ក្នុងអំឡុងពេលដែលលោក ត្រាំ កំពុងស្វែងរកឱកាសជួប លោក គីម ជុងអ៊ុន បានទៅកាន់តំបន់រមណីយដ្ឋានជិះស្គី ភ្នំដ៏ពិសិដ្ឋ និងសាកលវិទ្យាល័យកងទ័ពជើងទឹក។ ចំណែកលោក ត្រាំ បានចាកចេញពីអាស៊ីកាលពីថ្ងៃព្រហស្បតិ៍ ទី១៩ ខែវិច្ឆិកា ឆ្នាំ២០២៦ ដោយមិនបានជួបមេដឹកនាំកូរ៉េខាងជើងឡើយ។

កន្លងមក លោក ត្រាំ និងលោក គីម ធ្លាប់បានជួបគ្នាចំនួន៣លើក ក្នុងអាណត្តិដំបូងរបស់លោក ត្រាំ។ កិច្ចប្រជុំទាំងនោះមានគោលបំណងទប់ស្កាត់កម្មវិធីអាវុធនុយក្លេអ៊ែររបស់កូរ៉េខាងជើង ប៉ុន្តែមិនអាចសម្រេចបានកិច្ចព្រមព្រៀងណាមួយឡើយ។

ជាពិសេស កិច្ចប្រជុំនៅទីក្រុងហាណូយ ប្រទេសវៀតណាម ក្នុងឆ្នាំ២០១៩ បានបញ្ចប់ដោយគ្មានលទ្ធផល ហើយលោក គីម បានធ្វើដំណើរត្រឡប់ទៅកូរ៉េខាងជើងតាមរថភ្លើងអស់រយៈពេលប្រហែល៦០ម៉ោង។

ចាប់តាំងពីវិលត្រឡប់មកកាន់សេតវិមានវិញ លោក ត្រាំ បានបង្ហាញបំណងចង់ជួបលោក គីម ជាច្រើនលើក។ កាលពីឆ្នាំមុន លោកក៏បានព្យាយាមទាក់ទងទៅកូរ៉េខាងជើងមុនដំណើរទស្សនកិច្ចនៅអាស៊ី ប៉ុន្តែមិនទទួលបានការឆ្លើយតបឡើយ។

កាលពីខែមីនា អតីតនាយករដ្ឋមន្ត្រីកូរ៉េខាងត្បូង លោក គីម មីនសុក បាននិយាយថា លោក ត្រាំ គិតថាការជួបជាមួយលោក គីម ជុងអ៊ុន គឺជារឿងល្អមួយ៕

Leave a Reply

Your email address will not be published. Required fields are marked *