លោក គីម យ៉ុងណាំ អតីតប្រមុខរដ្ឋកូរ៉េខាងជើង បានទទួលមរណភាពហើយ នេះបើយោងតាមប្រព័ន្ធផ្សព្វផ្សាយរដ្ឋ។
ប្រភពពីសារព័ត៌មានAljazeera។
ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍នៅថ្ងៃអង្គារទី៤ខែវិច្ឆិកា ថាអ្នកនយោបាយអាយុ ៩៧ ឆ្នាំរូបនេះ ដែលបានដឹកនាំសភារបស់ប្រទេសអស់រយៈពេលជាងពីរទសវត្សរ៍ និងបានបម្រើការជាអ្នកការទូតជាន់ខ្ពស់ បានទទួលមរណភាពនៅថ្ងៃចន្ទ ដោយសារជំងឺខ្សោយសរីរាង្គច្រើនដែលទាក់ទងនឹងជំងឺមហារីក។
KCNA បាននិយាយថា សមមិត្ត គីម យ៉ុងណាំ ជាអ្នកបដិវត្តន៍ជំនាន់ចាស់ ដែលបានបន្សល់ទុកនូវសមិទ្ធផលដ៏អស្ចារ្យនៅក្នុងប្រវត្តិសាស្ត្រអភិវឌ្ឍន៍របស់គណបក្ស និងប្រទេសរបស់យើង បានបញ្ចប់ជីវិតដ៏ថ្លៃថ្នូររបស់គាត់ក្នុងអាយុ 97 ឆ្នាំ”។
ទីភ្នាក់ងារសារព័ត៌មាន KCNA បានរាយការណ៍ថា មេដឹកនាំ គីម ជុងអ៊ុន បានទៅទស្សនាផ្នូររបស់លោក គីម យ៉ុងណាំ នៅព្រឹកថ្ងៃអង្គារ ដើម្បីសម្តែងការចូលរួមរំលែកទុក្ខយ៉ាងជ្រាលជ្រៅចំពោះការស្លាប់របស់លោក។ ទីភ្នាក់ងារសារព័ត៌មាននេះបាននិយាយថា ពិធីបុណ្យសពរបស់លោក គីម យ៉ុងណាំ ត្រូវបានគ្រោងធ្វើនៅថ្ងៃព្រហស្បតិ៍៕