(កណ្តាល)៖ ក្នុងលិខិតបំភ្លឺនេះឃើញមាន៣ចំណុចសំខាន់ៗដូចជា!
-ទី១៖ រដ្ឋបាលស្រុកកៀនស្វាយ៖ បានទទួលស្គាល់ថា ពិតជាមានការទិញលក់ដីរវាងពលរដ្ឋនិងឈ្មួញប្រាកដមែន!។
ដោយផ្អែកថា ពលរដ្ឋបានកាន់កាប់និងអាស្រ័យផលតាំងពីរដ្ឋអំណាចចែកឱ្យម្ល៉េះ ដោយមិនពាក់ព័ន្ធ ឬត្រូវរ៉ូវគ្នាជាមួយអាជ្ញាធរនោះទេ!!។
*ខ្លឹមសារនេះ មានន័យផ្ទុយជាមួយការចុះផ្សាយរបស់”ដើមរាំង”បន្តិច ប៉ុន្តែពុំបានបដិសេធថា”ដើមរាំង”ផ្សាយមិនពិតនោះឡើយ។
ពោលគឺ បំភ្លឺយកត្រូវ ដោយបង្ហាញពីសន្តិភាព មិនជះកំហឹងដាក់អ្នកកាសែត!!។
-ចំណុចទី២៖ រដ្ឋបាលស្រុក អះអាងពីការយកចិត្តទុកដាក់ ក្នុងការរក្សាទុកផ្លូវសាធារណៈ បឹង ទន្លេ ព្រែក អូ និងអាងស្តុកទឹក ជាសម្បត្តិរបស់រដ្ឋ សម្រាប់ប្រជាពលរដ្ឋ ប្រើប្រាស់ជាសាធារណៈ។
*ខ្លឹមសារនេះល្អ បង្ហាញពីឆន្ទៈដឹកនាំបម្រើពលរដ្ឋដោយស្មោះមិនគិតពីផលប្រយោជន៍។
ប៉ុន្តែ”ដើមរាំង”ស្នើសុំឱ្យលោកអភិបាលស្រុក ជួយពិនិត្យនិងរឹតបន្តឹង
ចំពោះលោកមេឃុំភូមិធំ ពិសេសមន្ត្រីភូមិបាលស្រុកតែម្ដង
ជុំវិញករណីចាត់ចែងកាត់ឆ្វៀលដីបឹង បើទោះបីជាមានគណៈកម្មការខេត្ត គ្រប់គ្រងក៏ដោយ…!!។
ខណៈឈ្មួញខ្លះប្រមូលទិញដីពីពលរដ្ឋជិត១០០គ្រួសារ រយៈពេល៥ឆ្នាំហើយ មិនឱ្យលុយគ្រប់..!។
-ចំណុចទី៣៖ រដ្ឋបាលស្រុកកៀនស្វាយ ស្នើឱ្យ”ដើមរាំង”ចុះផ្សាយកែតម្រូវឡើងវិញ!!។
*ក្នុងន័យនេះ”ដើមរាំង”សូមឆ្លើយតបថា យោងតាមប្រភពផ្សេងៗនិងការចុះយកព័ត៌មានដោយផ្ទាល់ ក្រោមការត្រួតពិនិត្យយ៉ាងល្អិតល្អន់ ពីសំណាក់លោកចាងហ្វាង!!។
សបញ្ជាក់ឱ្យឃើញថា ការចាត់ចែងលក់ទិញដីនៅតំបន់បឹងរទាំង ស្ថិតនៅភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្ដាល គឺមិនពាក់ព័ន្ធនិងលោក ឡូវ សុខសាន អភិបាលស្រុកបច្ចុប្បន្ន.នោះឡើយ។
*ជាក់ស្តែង បើតាមពលរដ្ឋ.លោកអនុភូមិ.លោកមេភូមិមួយចំនួន បានលើកឡើងស្រដៀងគ្នាថា រាល់ការទិញលក់ដីនៅតំបន់”បឹងរទាំង”ជិត៧ហិកតា ក្នុងភូមិរទាំងត្បូង ឃុំភូមិធំ គឺកើតមានតាំងពីសម័យលោក អ៊ូ ឈាង ជាអភិបាលស្រុកម្ល៉េះ ហើយលោក អ៊ូ ឈាង ផ្ទាល់ក៏បានទទួលស្គាល់ផងដែរចំពោះការទិញលក់ដីបឹង៕
