ប្រធានាធិបតីអ៊ុយក្រែន លោក Volodymyr Zelenskyy កាលពីថ្ងៃចន្ទទី២៤ខែវិច្ឆិកា បាននិយាយថាអ៊ុយក្រែននឹងរៀបចំផែនការបន្ត ក្រោយកិច្ចពិភាក្សាចប់នៅទីក្រុងហ្សឺណែវ។
ប្រភពពីសារព័ត៌មានAljazeera។
លោក Zelenskyy បាននិយាយនៅលើ Telegram ថា លោកបាននិយាយជាមួយនាយករដ្ឋមន្ត្រីន័រវេស លោក Jonas Gahr Store តាមទូរស័ព្ទ ហើយថាពួកគេបានពិភាក្សាអំពីកិច្ចខិតខំប្រឹងប្រែងការទូតបច្ចុប្បន្ន ខណៈដែលគណៈប្រតិភូរបស់ទីក្រុងគៀវត្រឡប់មកផ្ទះវិញបន្ទាប់ពីចប់កិច្ចប្រជុំនៅទីក្រុងហ្សឺណែវ។
ក្រោយមក លោកបានប្រកាសថា លោកក៏បានធ្វើការសន្ទនាតាមទូរស័ព្ទជាមួយនាយករដ្ឋមន្ត្រីអេស្ប៉ាញ លោក Pedro Sanchez ដែលកំពុងស្ថិតនៅប្រទេសអង់ហ្គោឡា សម្រាប់កិច្ចប្រជុំកំពូលសហភាពអឺរ៉ុប-សហភាពអាហ្វ្រិក និងបានជម្រាបជូនលោកអំពីកិច្ចប្រជុំនៅទីក្រុងហ្សឺណែវ និងលទ្ធផលដំបូង។
លោក Zelenskyy បាននិយាយថាអ៊ុយក្រែនកំពុងទទួលបានការចាប់អារម្មណ៍យ៉ាងខ្លាំងនៅទីនោះ ហើយលោកអរគុណចំពោះការគាំទ្រនេះដោយបន្ថែមថា ការចូលរួមរបស់មេដឹកនាំអឺរ៉ុបផ្សេងទៀតក្នុងការទំនាក់ទំនងជាមួយក្រុមអាមេរិកគឺសំខាន់ខណៈដែលការសម្រេចចិត្តលើសន្តិសុខរួមកំពុងត្រូវបានបង្កើតឡើង។
យ៉ាងណាមិញ មុននេះបន្តិច វិមានក្រឹមឡាំងបានប្រកាសថា ទីក្រុងមូស្គូមិនទាន់ទទួលបានព័ត៌មានពីទីក្រុងវ៉ាស៊ីនតោនទាក់ទងនឹងការពិគ្រោះយោបល់ដែលបានធ្វើឡើងនៅទីក្រុងហ្សឺណែវនៅឡើយទេ ដោយបន្ថែមថា ប្រទេសរុស្ស៊ីនឹងរង់ចាំលទ្ធផលនៃការពិភាក្សា មុនពេលវាយតម្លៃការផ្លាស់ប្តូរណាមួយដែលអាចកើតមានចំពោះឯកសារនេះ៕