លោក Ramiz Alakbarov អនុប្រធានសម្របសម្រួលពិសេសរបស់អង្គការសហប្រជាជាតិសម្រាប់ដំណើរការសន្តិភាពមជ្ឈិមបូព៌ា បាននិយាយកាលពីថ្ងៃចន្ទទី២៤ខែវិច្ឆិកា ថាការវាយប្រហារថ្មីៗនេះរបស់អ៊ីស្រាអែលលើតំបន់ដែលមានប្រជាជនរស់នៅច្រើនកុះករនៅហ្គាហ្សាកំពុងធ្វើឱ្យប៉ះពាល់ដល់បទឈប់បាញ់ដ៏ផុយស្រួយ។ ដោយលោកជំរុញឱ្យភាគីទាំងអស់អនុវត្តការអត់ធ្មត់ និងបំពេញកាតព្វកិច្ចរបស់ពួកគេក្រោមកិច្ចព្រមព្រៀង។
ប្រភពពីសារព័ត៌មានAANews។
ក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ លោក Alakbarov បាននិយាយថា ការវាយប្រហារតាមអាកាសរបស់អ៊ីស្រាអែលបានបណ្តាលឱ្យមានអ្នកស្លាប់ និងរបួសជាច្រើននាក់ និងការបំផ្លិចបំផ្លាញយ៉ាងធ្ងន់ធ្ងរ។
លោកបានបន្ថែមថាដោយសារបទឈប់បាញ់នៅតែបន្ត អង្គការសហប្រជាជាតិបានបង្កើនកិច្ចខិតខំប្រឹងប្រែងទ្វេដងដើម្បីប្រមូលផ្តុំ និងពង្រីកជំនួយមនុស្សធម៌ ដោយឆ្លៀតឱកាសដើម្បីឲ្យទៅដល់ប្រជាជនគ្រប់ទីកន្លែង៕