យ៉ាងហោចណាស់ជនស៊ីវិល ១២៧ នាក់ត្រូវបានសម្លាប់នៅក្នុងការវាយប្រហាររបស់អ៊ីស្រាអែលលើប្រទេសលីបង់ចាប់តាំងពីបទឈប់បាញ់ត្រូវបានប្រកាសជិតមួយឆ្នាំកន្លងមកនេះ អង្គការសហប្រជាជាតិបាននិយាយ ខណៈដែលខ្លួនបានអំពាវនាវឱ្យមានការស៊ើបអង្កេតដោយអព្យាក្រឹតលើការវាយប្រហារនេះ។
ប្រភពពីសារព័ត៌មាន Reuters។
លោក ថាមីន អាល់ឃីតាន់ (Thameen Al-Kheetan) អ្នកនាំពាក្យការិយាល័យសិទ្ធិមនុស្ស UN បានថ្លែងក្នុងសន្និសីទសារព័ត៌មាននៅទីក្រុងហ្សឺណែវថាជិតមួយឆ្នាំចាប់តាំងពីបទឈប់បាញ់រវាងលីបង់ និងអ៊ីស្រាអែលត្រូវបានព្រមព្រៀង យើងបន្តឃើញការកើនឡើងនៃការវាយប្រហារដោយយោធាអ៊ីស្រាអែល ដែលបណ្តាលឱ្យមានការសម្លាប់ជនស៊ីវិល និងការបំផ្លិចបំផ្លាញទ្រព្យសម្បត្តិស៊ីវិលនៅលីបង់ រួមជាមួយនឹងការគំរាមកំហែងគួរឱ្យព្រួយបារម្ភនៃការវាយលុកកាន់តែទូលំទូលាយ។
ទោះជាយ៉ាងណា UN បានអំពាវនាវឱ្យមានការស៊ើបអង្កេតជាបន្ទាន់ និងទាមទារឱ្យភាគីពាក់ព័ន្ធគោរពបទឈប់បាញ់នេះ។ លោកបានបញ្ជាក់ថា តួលេខ ១២៧នាក់នេះ គឺជាចំនួនដែលត្រូវបានផ្ទៀងផ្ទាត់ដោយផ្អែកលើវិធីសាស្រ្តដ៏តឹងរឹងរបស់ UN ប៉ុន្តែចំនួនអ្នកស្លាប់ពិតប្រាកដអាចខ្ពស់ជាងនេះ៕