ចំនួនអ្នកស្លាប់ដោយសារទឹកជំនន់ដ៏សាហាវនៅភាគខាងត្បូងប្រទេសថៃបានកើនដល់១៤៥នាក់ដោយមានគ្រួសារជាងមួយលានគ្រួសារនៅទូទាំងប្រទេសរងផលប៉ះពាល់ នេះបើយោងតាមការចុះផ្សាយរបស់កាសែតបាងកកប៉ុស្តិ៍។
ប្រភពពីសារព័ត៌មានAPនៅថ្ងៃទី២៨ខែវិច្ឆិកា។
អ្នកនាំពាក្យរដ្ឋាភិបាល លោក Siripong Angkasakulkiat បាននិយាយកាលពីថ្ងៃព្រហស្បតិ៍ថា ចំនួនអ្នកស្លាប់ដោយសារទឹកជំនន់ដ៏សាហាវនៅខេត្ត Songkhla បានកើនឡើងដល់១៤៥នាក់។លោកបាននិយាយថានៅក្នុងខេត្តចំនួនប្រាំបី ជាពិសេសនៅក្នុងខេត្ត Songkhla ដែលមានអ្នកស្លាប់យ៉ាងហោចណាស់ ១១០ នាក់។
លោក Teerapat Kachamat អគ្គនាយកនៃនាយកដ្ឋានបង្ការ និងកាត់បន្ថយគ្រោះមហន្តរាយ បាននិយាយថា ទឹកជំនន់នៅតែបន្តធ្ងន់ធ្ងរនៅក្នុងស្រុកចំនួន ១០៥ នៅទូទាំងខេត្តភាគខាងត្បូងចំនួន៩ដែលប៉ះពាល់ដល់គ្រួសារជាង ១,០៧ លានគ្រួសារ និងមនុស្សជាង ២,៩ លាននាក់។
ក្រុមឆ្លើយតបបន្ទាន់ត្រូវបានបញ្ជូនទៅជួយជម្លៀស ដឹកជញ្ជូនអាហារ និងទឹក និងផ្តល់ផ្ទះបាយចល័ត អង្គភាពចម្រោះទឹក និងទូកជួយសង្គ្រោះ។
មុននេះ មជ្ឈមណ្ឌលប្រតិបត្តិការវិបត្តិទឹកជំនន់បានជំរុញឱ្យប្រជាជនក្នុងតំបន់ជម្លៀសចេញនៅពេលដែលមានការជូនដំណឹង ខណៈដែលវិបត្តិអាកាសធាតុនៅភាគខាងត្បូងប្រទេសថៃអាចកាន់តែអាក្រក់ទៅៗ៕