សភាកូរ៉េខាងត្បូងបានអនុម័តសេចក្តីព្រាងច្បាប់មួយនៅថ្ងៃចន្ទទី២២ខែធ្នូ ដើម្បីបង្កើតការស៊ើបអង្កេតឯករាជ្យលើគ្រោះថ្នាក់ធ្លាក់យន្តហោះ Jeju Air កាលពីខែធ្នូ ឆ្នាំ២០២៤ ដែលបានសម្លាប់មនុស្ស ១៧៩ នាក់ និងត្រូវបានចាត់ទុកថា ជាគ្រោះមហន្តរាយផ្លូវអាកាសដ៏ធ្ងន់ធ្ងរបំផុតនៅលើទឹកដីកូរ៉េខាងត្បូង។
ប្រភពពីសារព័ត៌មានReuters។
តាមសេចក្តីព្រាងច្បាប់ គណៈកម្មការស៊ើបអង្កេតមួយដែលមានសមាជិកសភា ១៨ រូប នឹងពិនិត្យមូលហេតុអាចកើតមាននៃគ្រោះថ្នាក់ រួមទាំងហានិភ័យនៃការបុកសត្វស្លាប បរាជ័យម៉ាស៊ីន បញ្ហាមេកានិច និងទំនប់នៅចុងផ្លូវរត់អាកាសយានដ្ឋាន Muan ដែលយន្តហោះបានបុក។
យន្តហោះ Boeing 737-800 របស់ Jeju Air បានហោះហួសផ្លូវរត់ និងបុកច្រាំងទន្លេ បន្ទាប់ពីការចុះចតមិនបានសម្រេច និងគ្មានកង់ចុះចត បណ្តាលឱ្យមនុស្សទាំងអស់លើកលែងតែ ២ នាក់ក្នុងចំណោម ១៨១ នាក់ ស្លាប់ភ្លាមៗ។
អ្នកជំនាញបានព្រមានថា គ្រោះថ្នាក់ផ្លូវអាកាសជាទូទៅមានមូលហេតុច្រើន ហើយត្រូវរង់ចាំលទ្ធផលស៊ើបអង្កេតពេញលេញ៕