ជនជាតិថៃជាច្រើន បានបង្ហាញអារម្មណ៍ភ្ញាក់ផ្អើល និងខកចិត្ត បន្ទាប់ពីរដ្ឋបាលប្រធានាធិបតីអាមេរិក លោក Donald Trump ប្រកាសផ្អាកដំណើរការដាក់ពាក្យសុំទិដ្ឋាការអន្តោប្រវេសន៍ពីប្រទេស ៧៥ រួមមានប្រទេសថៃផងដែរ!។ ការសម្រេចនេះ បានប៉ះពាល់ដល់គូស្វាមីភរិយា ពលករចំណាកស្រុក និងអ្នកមានគម្រោងទៅរស់នៅសហរដ្ឋអាមេរិក ជាពិសេសទិដ្ឋាការប្តីប្រពន្ធ ទិដ្ឋាការអចិន្ត្រៃយ៍ និងទិដ្ឋាការការងារ។
ប្រភពពីសារព៏ត៌មានAl Jazeera នៅថ្ងៃទី២៤ ខែមករា។
ក្រសួងការបរទេសសហរដ្ឋអាមេរិកអះអាងថា ការផ្អាកនេះធ្វើឡើងដោយសារជនអន្តោប្រវេសន៍ពីប្រទេសគោលដៅមួយចំនួនបានទាមទារអត្ថប្រយោជន៍សុខុមាលភាពក្នុងអត្រាខ្ពស់។ ទោះជាយ៉ាងណា ជនជាតិថៃជាច្រើន បានបដិសេធការអះអាងនេះ និងស្នើឱ្យមានការត្រួតពិនិត្យជាក់លាក់ជាបុគ្គល ជំនួសឱ្យការហាមឃាត់ទូទៅ ដែលបានធ្វើឱ្យសុបិន និងផែនការជីវិតរបស់ពួកគេត្រូវផ្អាកដោយមិនកំណត់ពេល៕