ក្នុងរយៈពេលត្រឹមតែ ៤៨ ម៉ោង ឆ្នេរសមុទ្រភាគខាងកើតប្រទេសអូស្ត្រាលីបានជួបប្រទះការវាយប្រហារដោយត្រីឆ្លាមចំនួនបួនលើក។
ប្រភពពីសារព័ត៌មានBBCនៅថ្ងៃទី២៥ខែមករា។
កាលពីថ្ងៃទី ១៨ ខែមករា ក្មេងប្រុសអាយុ ១២ ឆ្នាំម្នាក់បានស្លាប់ បន្ទាប់ពីត្រូវត្រីឆ្លាមវាយប្រហារនៅកំពង់ផែស៊ីដនី។ នៅថ្ងៃបន្ទាប់ ក្តាររអិលរបស់ក្មេងអាយុ ១១ ឆ្នាំម្នាក់ត្រូវបានខាំនៅឆ្នេរ Dee Why ខណៈបុរសម្នាក់ទៀតត្រូវបានវាយប្រហារនៅ Manly និងស្ថិតក្នុងស្ថានភាពធ្ងន់ធ្ងរ។ ករណីទីបួនបានកើតឡើងកាលពីថ្ងៃទី ២០ ខែមករា នៅចម្ងាយប្រហែល ៣០០ គីឡូម៉ែត្រពីស៊ីដនី ដែលអ្នកជិះស្គីលើទឹកម្នាក់រងរបួសនៅទ្រូង។
ស្ថិតិផ្លូវការបង្ហាញថា ករណីខាំត្រីឆ្លាមនៅអូស្ត្រាលីបានកើនឡើងក្នុងរយៈពេល ៣០ ឆ្នាំចុងក្រោយ ប៉ុន្តែអ្នកជំនាញបញ្ជាក់ថា នេះមិនមែនមានន័យថាត្រីឆ្លាមកាន់តែឈ្លានពានទេ ប៉ុន្តែបណ្តាលមកពីចំនួនមនុស្សចូលលេងទឹកកាន់តែច្រើន។
អ្នកស្រាវជ្រាវបានសន្និដ្ឋានថា ត្រីឆ្លាមមិនមែនជាបញ្ហាសំខាន់នោះទេ ប៉ុន្តែជាការចាំបាច់ត្រូវយល់ដឹងបន្ថែមអំពីធម្មជាតិ និងការរស់នៅរួមគ្នារវាងមនុស្ស និងសត្វសមុទ្រ៕