ធ្លាក់យន្តហោះយោធា នៅប្រទេសថៃ សម្លាប់ពីឡុតចំនួន២នាក់!

នៅថ្ងៃទី២៩ ខែមករា ឆ្នាំ២០២៦ កងទ័ពអាកាសថៃ បានឱ្យដឹងថា យន្តហោះយោធា១គ្រឿង បានធ្លាក់អំឡុងការហោះហើរហ្វឹកហ្វឺន នៅភាគខាងជើងប្រទេស បណ្តាលឱ្យស្លាប់ពីឡុតចំនួន២នាក់។

សារព័ត៌មានថៃ The Nation។

កងទ័ពអាកាសថៃ និយាយថា ខ្លួនទទួលបានរបាយការណ៍ នៅម៉ោង១០៖៣០នាទីព្រឹក ថាយន្តហោះយោធាប្រភេទ AT-6 ១គ្រឿង បានធ្លាក់នៅតំបន់ភូមិ Huai Fang ស្រុក Chom Thong ខេត្ត Chiang Mai ពេលកំពុងបំពេញបេសកកម្មហោះហ្វឹកហ្វឺន។
ពេលនេះ ក្រុមការងារត្រូវបានបញ្ជូនទៅកាន់កន្លែងកើតហេតុផ្ទាល់ ដើម្បីវាយតម្លៃស្ថានការណ៍ និងបើកការស៉ើបអង្កេត។
បើតាមកងទ័ពអាកាសថៃ អាកាសយានិក២នាក់ ដែលធ្វើដំណើរ​នៅលើយន្តហោះនោះ បានស្លាប់ហើយ៕