សកម្មភាពលើទឹកទាំងអស់ រួមមានការហែលទឹក និងជិះទូកកាយ៉ាក់ ត្រូវបានផ្អាកជាបណ្តោះអាសន្ននៅឆ្នេរ Siloso, Palawan និង Tanjong នៃកោះ Sentosa បន្ទាប់ពីមានការប្រទះឃើញក្រពើមួយក្បាលនៅក្នុងដែនទឹក Sentosa Cove កាលពីល្ងាចថ្ងៃទី 31 ខែមករា ឆ្នាំ 2026។
ប្រភពពីសារព័ត៌មានCNA នៅថ្ងៃទី១ខែកុម្ភៈ។
សាជីវកម្មអភិវឌ្ឍន៍ Sentosa (SDC) បានឲ្យដឹងថា ក្រុមប្រឹក្សាភិបាលឧទ្យានជាតិ (NParks) និង SDC បានធ្វើសកម្មភាពភ្លាមៗ ដោយបង្កើតក្រុមដើម្បីស្វែងរកក្រពើ ខណៈការល្បាត និងការត្រួតពិនិត្យត្រូវបានបង្កើននៅទូទាំងតំបន់មាត់សមុទ្រ។
ទោះបីឆ្នេរទាំងបីនៅតែបើកសម្រាប់ភ្ញៀវទេសចរក៏ដោយ សកម្មភាពក្នុងទឹកមិនត្រូវបានអនុញ្ញាតឡើយ រហូតដល់មានការជូនដំណឹងបន្ថែម។ សញ្ញាព្រមានត្រូវបានដាក់នៅតាមឆ្នេរ ដើម្បីជូនដំណឹងដល់សាធារណជន៕