កាលពីថ្ងៃទី៣ ខែកុម្ភៈ មន្ត្រីអាមេរិកបាននិយាយថា អាមេរិក បានប្រគល់លុយ៥០០លានដុល្លារ ដែលបានពីការលក់ប្រេង ក្រោមកិច្ចព្រមព្រៀងរវាងទីក្រុងការ៉ាកាស និងទីក្រុងវ៉ាស៊ីនតោន ឱ្យទៅវ៉េណេស៊ុយអេឡា។
សារព័ត៌មាន Reuters។
មន្ត្រីអាមេរិក ក្នុងលក្ខខណ្ឌមិនបញ្ចេញឈ្មោះ ទឹកប្រាក់ ២០០លានដុល្លារចុងក្រោយបំផុតបានមកពីការលក់ប្រេង ត្រូវបានប្រគល់ឱ្យវ៉េណេស៊ុយអេឡា។
កិច្ចព្រមព្រៀងនេះកើតមានឡើង បន្ទាប់ពីប្រធានាធិបតីវ៉េណេស៊ុយអេឡា លោក នីកូឡាស់ ម៉ាឌូរ៉ូ ត្រូវបានចាប់ខ្លួន នៅក្នុងប្រតិបត្តិការយោធាមួយ ។
បញ្ជូនទៅកាត់ទោសនៅសហរដ្ឋអាមេរិកកាលពីថ្ងៃទី៣ ខែមករា ជុំវិញការចោទប្រកាន់រត់ពន្ធគ្រឿងញៀន។
មន្ត្រីរូបនេះដដែលបានគូសបញ្ជាក់ដូច្នេះថា វ៉េណេស៊ុយអេឡាបានទទួលជាផ្លូវការនូវ ទឹកប្រាក់ទាំងអស់ ៥០០លានដុល្លារ ដែលបានមកពីការលក់ប្រេងដំបូងរបស់វ៉េណេស៊ុយអេឡា។
គួរបញ្ជាក់ថា កាលពីសប្ដាហ៍មុន រដ្ឋមន្ត្រីការបរទេសអាមេរិក លោក Marco Rubio បានប្រាប់សមាជិកសភាអាមេរិកថា ការចូលរួមរបស់សហរដ្ឋអាមេរិកនៅក្នុងការចាត់ចែង លក់ប្រេងវ៉េណេស៊ុយអេឡា គឺមានគោលដៅរយៈពេលខ្លីប៉ុណ្ណោះដើម្បីឱ្យវ៉េណេស៊ុយអេឡាមានស្ថិរភាព និងជួយសង្រ្គោះប្រជាជន ក៏ដូចជាជួយឱ្យរដ្ឋាភិបាលទីក្រុងការ៉ាកាស៕