យ៉ាងហោចណាស់មនុស្ស ១៨ នាក់ត្រូវបានសម្លាប់ បន្ទាប់ពីមានការផ្ទុះមួយកើតឡើងនៅក្នុងអណ្តូងរ៉ែធ្យូងថ្មខុសច្បាប់មួយ ក្នុងរដ្ឋមេហ្គាឡាយ៉ា ភាគឦសាននៃប្រទេសឥណ្ឌា កាលពីថ្ងៃព្រហស្បតិ៍ នេះបើយោងតាមការបញ្ជាក់របស់ប៉ូលីសមូលដ្ឋាន។
ប្រភពពីសារព័ត៌មានRoyanew នៅថ្ងៃទី៦ខែកុម្ភៈ។
ប៉ូលីសបាននិយាយថា ក្រុមជួយសង្គ្រោះបានរកឃើញសាកសពសរុបចំនួន ១៨ នាក់ នៅកន្លែងកើតហេតុ ក្នុងអំឡុងប្រតិបត្តិការស្វែងរក បន្ទាប់ពីការផ្ទុះកើតឡើង។ មូលហេតុច្បាស់លាស់នៃការផ្ទុះមិនទាន់ត្រូវបានបង្ហាញនៅឡើយទេ ខណៈដែលអាជ្ញាធរកំពុងបន្តការស៊ើបអង្កេត៕