កាលពីថ្ងៃអាទិត្យ គណបក្សភូមិជៃថៃ (Bhumjaithai) របស់នាយករដ្ឋមន្ត្រី អនុទីន ឆានវីរៈគុល ទទួលបានជ័យជម្នះក្នុងការបោះឆ្នោត ដោយកំពុងនាំមុខយ៉ាងច្បាស់និងត្រៀមចរចាបង្កើតរដ្ឋាភិបាលចម្រុះ។
ប្រភពពីសារព័ត៌មានAl Jazeera នៅថ្ងៃទី៩ខែកុម្ភៈ។
យោងតាមប្រព័ន្ធផ្សព្វផ្សាយថៃ ខណៈសន្លឹកឆ្នោតប្រមាណ ៩៣ ភាគរយត្រូវបានរាប់ គណបក្សភូមិជៃថៃហាក់ដូចជាឈ្នះយ៉ាងហោចណាស់ ១៩៤ អាសនៈ ក្នុងចំណោម ៥០០ អាសនៈនៅសភាតំណាងរាស្ត្រ។ គណបក្សប្រជាជនជឿនលឿនស្ថិតនៅលំដាប់ទីពីរ មានប្រហែល ១១៦ អាសនៈ ខណៈគណបក្សភឿថៃបានប្រហែល ៧៦ អាសនៈ។
ថ្លែងបន្ទាប់ពីលទ្ធផលបឋមចេញផ្សាយ លោក អនុទីន បានអះអាងថា លទ្ធផលនេះលើសពីការរំពឹងទុក និងបានសន្យាថា នឹងខិតខំប្រឹងប្រែងបំពេញការទុកចិត្តរបស់អ្នកបោះឆ្នោត។ លោកក៏បានបញ្ជាក់ថា ការបង្កើតរដ្ឋាភិបាល និងការតែងតាំងគណៈរដ្ឋមន្ត្រី នឹងអាស្រ័យលើលទ្ធផលចុងក្រោយ និងការពិភាក្សាផ្ទៃក្នុងរបស់គណបក្សនានា៕