កាលពីថ្ងៃទី11 ខែកុម្ភៈ ឆ្នាំ2026 មន្ត្រីកំពូលអ៊ីរ៉ង់ បានបញ្ជាក់ថា កម្មវិធីមីស៊ីលរបស់ប្រទេស មិនអាចចរចាបានទេ។ ទោះបីជាការចរចា ផ្នែកនុយក្លេអ៊ែរជាមួយសហរដ្ឋអាមេរិក កំពុងតែបន្តក៏ដោយ។ លោក Ali Shamkhani បាននិយាយថា អ៊ីរ៉ង់ មានឆន្ទៈក្នុងការពិភាក្សាអំពីនុយក្លេអ៊ែរ ប៉ុន្តែមិនទាន់ត្រៀមខ្លួនសម្រាប់ចរចាអំពីមីស៊ីលផ្លោងទេ។
ប្រភពពីសារព័ត៌មានAl Jazeera។
ការបញ្ជាក់នេះកើតឡើងបន្ទាប់ពីការចរចាសម្របសម្រួលមួយកាលពីសប្តាហ៍មុននៅប្រទេសអូម៉ង់ មិនបានសម្រេចលទ្ធផលជោគជ័យ។ អ៊ីរ៉ង់បានបញ្ជាក់ថា កិច្ចពិភាក្សាត្រូវផ្តោតទៅលើកម្មវិធីនុយក្លេអ៊ែរ ខណៈសហរដ្ឋអាមេរិកចង់ឱ្យអ៊ីរ៉ង់ដោះស្រាយកម្មវិធីមីស៊ីលផ្លោង និងសម្ព័ន្ធភាពក្នុងតំបន់ផងដែរ៕