អង្គការសហប្រជាជាតិ(UN) បានអះអាងថាអាជ្ញាធរអ៊ីស្រាអែលបានរារាំងបេសកកម្មមនុស្សធម៌ជាច្រើននៅក្នុងតំបន់ហ្គាហ្សាស្រ្ទីប។
ប្រភពពីសារព័ត៌មានAnadolu Agency នៅថ្ងៃទី១៤ខែកុម្ភះ។
ថ្លែងក្នុងសន្និសីទសារព័ត៌មានអ្នកនាំពាក្យ UN លោក Stephane Dujarric បានដកស្រង់ព័ត៌មានពីការិយាល័យសម្របសម្រួលកិច្ចការមនុស្សធម៌ (OCHA) ថា អង្គការសហប្រជាជាតិបានព្យាយាមសម្របសម្រួលបេសកកម្មចំនួន ៨ ប៉ុន្តែមាន ៣ បេសកកម្មត្រូវបានបដិសេធដោយអាជ្ញាធរអ៊ីស្រាអែល។ បេសកកម្មដែលអនុញ្ញាតឱ្យដំណើរការបាន រួមមានការប្រមូលស្បៀងអាហារ និងសម្ភារៈវេជ្ជសាស្ត្រតាមច្រកឆ្លងកាត់ Kerem Shalom និង Kissufim៕