ប្រទេសអ៊ុយក្រែន បានប្រកាសដាក់ទណ្ឌកម្មលើប្រធានាធិបតីបេឡារុស លោក Alexander Lukashenko ជាមួយការប្តេជ្ញា ថានឹងបង្កើនវិធានការលេីទីក្រុង Minsk សម្រាប់ការជួយដល់សង្គ្រាមរបស់រុស្ស៊ី។
សារព័ត៌មាន Reuters នាថ្ងៃទី១៩ ខែកុម្ភៈ ឆ្នាំ ២០២៦។
ប្រទេសបេឡារុស ដែលជាសម្ព័ន្ធមិត្តជិតស្និទ្ធបំផុតមួយរបស់រុស្ស៊ី បានបម្រើការជាមូលដ្ឋាន សម្រាប់ឱ្យមូស្គូ បើកការឈ្លានពានរបស់ខ្លួននៅឆ្នាំ២០២២ ដោយអនុញ្ញាតឱ្យកងកម្លាំងរុស្ស៊ី.ចូលទៅជិតរដ្ឋធានីអ៊ុយក្រែន មុនពេលពួកគេត្រូវបានវាយរុញច្រានត្រឡប់ទៅវិញ។
ប្រធានាធិបតី លោក វ៉ូឡូឌីមៀ ហ្សេលេនស្គី បានគូសបញ្ជាក់ថា យើងនឹងបង្កើនវិធានការ ប្រឆាំងទៅនឹងគ្រប់ទម្រង់នៃជំនួយរបស់ លោក Lukashenko ជុំវិញការសម្លាប់ជនជាតិអ៊ុយក្រែន។
ភ្លាមៗការិយាល័យអ្នកនាំពាក្យប្រធានាធិបតីបេឡារុស មិនទាន់ឆ្លេីយតបនឹងសំណេីសុំការអត្ថាធិប្បាយទេ។
លោក ហ្សេលេនស្គី ប្រទេសបេឡារុសដែលមានព្រំប្រទល់ជាង ១ ០០០គីឡូម៉ែត្រជាមួយអ៊ុយក្រែន។
ក៏បានជួយដល់ការវាយប្រហារដោយយន្តហោះដ្រូនរបស់ទីក្រុងមូស្គូ មកលើអ៊ុយក្រែនផងដែរ។
ទីក្រុង Minsk កាលពីពាក់កណ្តាលឆ្នាំ ២០២៥ បានអនុញ្ញាតឱ្យរុស្ស៊ី.ដាក់ពង្រាយប្រព័ន្ធនៃស្ថានីយ៍បញ្ជូនបន្តក្នុងប្រទេសបេឡារុស ដើម្បីគ្រប់គ្រងការវាយប្រហារដោយដ្រូនលើអ៊ុយក្រែន៕