កាលពីល្ងាចថ្ងៃសុក្រទី២០ខែកុម្ភៈ យ៉ាងហោចណាស់មនុស្ស៦នាក់បានស្លាប់ និងជាង២៥នាក់ផ្សេងទៀតរងរបួស បន្ទាប់ពីអ៊ីស្រាអែលវាយប្រហារលើតំបន់ Bekaa ភាគខាងកើតប្រទេសលីបង់។
ប្រភពពីសារព័ត៌មានAnadolu Agency។
យន្តហោះចម្បាំងអ៊ីស្រាអែលបានវាយប្រហារយ៉ាងខ្លាំងលើជួរភ្នំភាគខាងកើត និងខាងលិចក្នុងតំបន់ Bekaa។ ការវាយប្រហារចំនួនបីបានកំណត់គោលដៅលើតំបន់ Shaara ខណៈយន្តហោះបន្តហោះលើទីក្រុង Baalbek។
សូមបញ្ជាក់ថា៖ ហេតុការណ៍នេះកើតឡើងក្នុងបរិបទនៃការរំលោភបំពានជាបន្តបន្ទាប់លើកិច្ចព្រមព្រៀងឈប់បាញ់ដែលសម្រេចបានក្នុងខែវិច្ឆិកា ឆ្នាំ ២០២៤ ខណៈអ៊ីស្រាអែលនៅតែបន្តកាន់កាប់តំបន់មួយចំនួនក្នុងប្រទេសលីបង់ បង្កការតានតឹងនយោបាយ និងសន្តិសុខនៅតំបន់ព្រំដែន៕