មេដឹកនាំកូរ៉េខាងជើង Kim Jong Un បានព្រមានកូរ៉េខាងត្បូង និងអំពាវនាវឲ្យសហរដ្ឋអាមេរិកបញ្ចប់គោលនយោបាយអរិភាពចំពោះទីក្រុងព្យុងយ៉ាង ខណៈប្រទេសនេះបញ្ចប់សមាជលើកទី៩របស់គណបក្សពលករកូរ៉េ នៅទីក្រុងព្យុងយ៉ាង។
ប្រភពពីសារព័ត៌មានAl Jazeeraនៅថ្ងៃទី២៦ខែកុម្ភៈ។
ក្នុងសុន្ទរកថារបស់លោក លោកគីមបានបញ្ជាក់ថា កូរ៉េខាងជើងមិនមានបំណងចូលរួមសន្ទនាជាមួយកូរ៉េខាងត្បូងទេ ហើយអះអាងថាកងកម្លាំងរបស់លោកអាច បំផ្លាញប្រទេសជិតខាង ប្រសិនបើមានការគំរាមកំហែង។ ជាមួយគ្នានេះ លោកបានបញ្ជាក់ថា អនាគតនៃការចរចាជាមួយសហរដ្ឋអាមេរិក អាស្រ័យលើការដកចេញនូវគោលនយោបាយអរិភាព និងការទទួលស្គាល់ឋានៈកូរ៉េខាងជើងជារដ្ឋមានអាវុធនុយក្លេអ៊ែរ៕