នៅព្រឹកថ្ងៃទី8 ខែមីនា ឆ្នាំ2026 អ៊ីស្រាអែល បានវាយប្រហារលើសណ្ឋាគារRamada ក្នុងតំបន់Rawche មាត់សមុទ្រក្នុងទីក្រុងបេរូត។ ការវាយប្រហារនេះបានសម្លាប់យ៉ាងហោចណាស់មនុស្ស៤នាក់ និងរបួសមនុស្សចំនួន១០នាក់។ដោយអ៊ីស្រាអែលបញ្ជាក់ថា គោលដៅនៃប្រតិបត្តិការនេះគឺ មេបញ្ជាការនៃកងកម្លាំង Quds របស់អ៊ីរ៉ង់ដែលកំពុងប្រតិបត្តិការនៅលីបង់។
ប្រភពពីសារព័ត៌មានCNA។
សណ្ឋាគារ Ramada ត្រូវបានប្រើជាជម្រកសម្រាប់ប្រជាជនដែលភៀសខ្លួនពីសង្គ្រាមនៅភាគខាងត្បូងនៃប្រទេសលីបង់។ ការវាយប្រហារនេះគឺជាការវាយប្រហារជាដំបូងចំកណ្តាលទីក្រុងបេរូត ដោយកាលពីសប្តាហ៍មុន អ៊ីស្រាអែលបានសម្លាប់មេបញ្ជាការកងកម្លាំង Quds នៅទីក្រុងតេអេរ៉ង់។
ការវាយប្រហារនេះបន្តបង្កភាពតានតឹងនៅលីបង់ ខណៈដែល Hezbollah ដែលគាំទ្រដោយអ៊ីរ៉ង់បន្តសកម្មភាពប្រឆាំងអ៊ីស្រាអែលក្នុងតំបន់៕