រដ្ឋមន្ត្រីការបរទេសរបស់អ៊ីរ៉ង់ បានបញ្ជាក់ថា រុស្ស៊ីកំពុងជួយខ្លួនក្នុងសង្គ្រាមប្រឆាំងអាមេរិក និងអ៊ីស្រាអែល។
ការបញ្ជាក់នេះធ្វើឡើងបន្ទាប់ពីមានព័ត៌មានថា រុស្ស៊ីកំពុងចែករំលែកព័ត៌មានស៊ើបការណ៍សម្ងាត់អំពីទីតាំងកងកម្លាំងអាមេរិកនៅតំបន់មជ្ឈិមបូព៌ា។
ប្រភពពីសារព័ត៌មាន News York Post នៅថ្ងៃទី៩ខែមីនា។
នៅក្នុងបទសម្ភាសន៍ជាមួយកម្មវិធី “Meet The Press” របស់ NBC លោក Abbas Araghchi បាននិយាយថា កិច្ចសហប្រតិបត្តិការយោធារវាងអ៊ីរ៉ង់ និងរុស្ស៊ីមិនមែនជារឿងថ្មីទេ ហើយវាមានតាំងពីមុនមក។
លោក បន្ថែមថា ទំនាក់ទំនងរវាងទីក្រុងម៉ូស្គូនិងតេអេរ៉ង់គឺជាដៃគូដ៏ល្អ ដែលនឹងបន្តសហការគ្នានាពេលអនាគត។
ការបញ្ជាក់នេះបង្ហាញថា ទំនាក់ទំនងយោធារវាងប្រទេសទាំងពីរនៅតែរឹងមាំ ខណៈសង្គ្រាមនៅមជ្ឈិមបូព៌ាកំពុងកើនឡើង៕