មន្ត្រីជាន់ខ្ពស់នៃអ៊ីរ៉ង់ បានបដិសេធឱសានវាទរបស់ប្រធានាធិបតីអាមេរិក Donald Trump ដែលទាមទារឱ្យអ៊ីរ៉ង់បើកច្រកសមុទ្រ Hormuz ឡើងវិញមុនថ្ងៃកំណត់។
ប្រភពពីសារព័ត៌មានNRP នៅថ្ងៃទី៦ខែមេសា។
សេចក្តីថ្លែងការណ៍នេះកើតឡើង ខណៈដែលការប្រយុទ្ធគ្នារវាងអ៊ីរ៉ង់ និងភាគីគាំទ្រដោយ សហរដ្ឋអាមេរិក និង អ៊ីស្រាអែល កំពុងកើនឡើង។ កងកម្លាំងអាមេរិក និងអ៊ីស្រាអែលបានវាយប្រហារទៅលើរោងចក្រប្រេង និងហេដ្ឋារចនាសម្ព័ន្ធនៅអ៊ីរ៉ង់ ខណៈដែលអ៊ីរ៉ង់បានបាញ់មីស៊ីលវាយប្រហារទៅលើទីក្រុងជាច្រើននៅក្នុង អ៊ីស្រាអែល និងរោងចក្រចម្រាញ់ប្រេងនៅតំបន់ឈូងសមុទ្រ។
លោក Trump បានប្រកាសលើបណ្ដាញសង្គម ដាក់ឱសានវាទឱ្យអ៊ីរ៉ង់បើកច្រក Hormuz ឡើងវិញមុនថ្ងៃអង្គារ ម៉ោង ៨ យប់ (ម៉ោងអាមេរិក) បើមិនដូច្នោះទេ នឹងមានការវាយប្រហារលើរោងចក្រថាមពល និងស្ពាននៅក្នុងអ៊ីរ៉ង់៕