លោក Mahmoud Nabavian អ្នកតាក់តែងច្បាប់អ៊ីរ៉ង់ បាននិយាយនៅថ្ងៃពុធទី២២.០៤.២០២៦ថា អ៊ីរ៉ង់បានសាងកំហុសជាយុទ្ធសាស្ត្រមួយ ដែលលើកយកបញ្ហានុយក្លេអ៊ែររបស់ខ្លួន មកកិច្ចចរចា នៅក្នុងប្រទេសប៉ាគីស្ថាន គឺស្មើរនិងលើកទឹកចិត្តសហរដ្ឋអាមេរិក ឱ្យធ្វើការទាមទារបន្ថែមទៀត។
សារព័ត៌មាន Iran International។
លោក Nabavian សមាជិកនៃគណៈកម្មាធិការសន្តិសុខជាតិ និងគោលនយោបាយការបរទេសរបស់សភាបានប្រាប់ SNNថា”នៅក្នុងការចរចាជាមួយប៉ាគីស្ថាន យើងបានធ្វើកំហុសជាយុទ្ធសាស្ត្រ យើងមិនគួរដាក់បញ្ហានុយក្លេអ៊ែរឡើង សម្រាប់ការចរចាទេ”។
លោកបានបន្ថែមថា “ដោយធ្វើដូច្នេះ សត្រូវកាន់តែក្លាហាន”។
លោក Nabavian បាននិយាយថា សហរដ្ឋអាមេរិក បានទាមទារឱ្យសម្ភារៈចម្រាញ់ 60% របស់អ៊ីរ៉ង់ត្រូវបានដកចេញ និងរារាំងរយៈពេល 20 ឆ្នាំ ដែលជាការទាមទារដែលលោកបាននិយាយថា ទីក្រុងតេអេរ៉ង់ មិនបានទទួលយក៕