ស្ថានកុងស៊ុលអ៊ីរ៉ង់ នៅទីក្រុង Hyderabad នៅថ្ងៃពុធទី២៣.០៤.២០២៦ បានចែករំលែកវីដេអូ ដែលបង្កើតឡើងដោយAI ក្នុងបំណងចំអកប្រធានាធិបតីអាមេរិកលោក Donald Trump និងការសម្រេចចិត្តរបស់លោក ក្នុងការបន្តបទឈប់បាញ់តាម “សំណើរបស់ប៉ាគីស្ថាន” នៅក្នុងជម្លោះ ដែលទាក់ទងនឹងអ៊ីរ៉ង់ដែលកំពុងបន្ត។
សារព័ត៌មានIndia today ។
វីដេអូនេះ ចាប់ផ្តើមជាមួយនឹងលោក Trump ដែលបង្កើតឡើងដោយAI រួមជាមួយអនុប្រធានាធិបតី JD Vance និងអ្នកផ្សេងទៀត កំពុងរង់ចាំនៅតុចរចា ខណៈដែលតំណាងអ៊ីរ៉ង់មិនបានមកដល់។
នៅក្នុងវីដេអូឃ្លីបរយៈពេល៤៥ វិនាទី លោក Trump ត្រូវបានបង្ហាញថា កំពុងវាយអក្សរនៅលើ Truth Social ដោយនិយាយថា”យើងកំពុងមានការចរចាដ៏អស្ចារ្យជាមួយអ៊ីរ៉ង់”។
បន្ទាប់មកវីដេអូនេះ កាត់ទៅជាឈុត meme “២០០០ ឆ្នាំក្រោយ” ដែលពណ៌នាអំពីការគំរាមកំហែង របស់លោក Trump ។
ដែលកាន់តែខកចិត្តថា “ប្រសិនបើអ៊ីរ៉ង់មិនមកចរចាទេ យើងនឹងទម្លាក់គ្រាប់បែកលើពួកគេ” មុនពេលសួរថា “ដូច្នេះតើជនជាតិអ៊ីរ៉ង់នៅឯណា?”។
បន្ទាប់មកជំនួយការម្នាក់ បានប្រគល់កំណត់ចំណាំមួយដល់គាត់ដែលសរសេរថា “បិទមាត់ទៅ លោក Trump” បន្ទាប់មកលោក Trump ដែលបង្កើតដោយ AI បាននិយាយថា “មិនអីទេ ខ្ញុំនឹងបន្តបទឈប់បាញ់តាមការស្នើសុំរបស់ប៉ាគីស្ថាន”មុនពេលដើរចេញ ខណៈពេលដែលសំណើចលេងនៅផ្ទៃខាងក្រោយ។
“តើបទឈប់បាញ់ ត្រូវបានពង្រីកយ៉ាងដូចម្តេច? វីដេអូនេះកំពុងមានប្រជាប្រិយភាព នៅក្នុងប្រទេសអ៊ីរ៉ង់” ស្ថានកុងស៊ុលបានដាក់ចំណងជើងនៅលើ X។
វីដេអូនេះកើតឡើងប៉ុន្មានថ្ងៃបន្ទាប់ពីលោក Trump បានប្រកាសថា លោកកំពុងបន្តបទឈប់បាញ់ជាមួយអ៊ីរ៉ង់ដោយគ្មានកំណត់តាមការស្នើសុំរបស់ប៉ាគីស្ថាន។
ដោយអះអាងថា នឹងផ្តល់ពេលវេលាបន្ថែមទៀត ដល់ទីក្រុងតេអេរ៉ង់ ដើម្បីរៀបចំសំណើររួមមួយដើម្បីបញ្ចប់ជម្លោះ។
ទោះជាយ៉ាងណាក៏ដោយ អ៊ីរ៉ង់បានបង្ហាញពីភាពមិនប្រាកដប្រជាអំពីការវិលត្រឡប់ទៅរកការចរចាដែលរំពឹងទុកនៅពេលក្រោយនៃសប្តាហ៍នេះនៅក្នុងប្រទេសប៉ាគីស្ថាន។
អ្នកនាំពាក្យក្រសួងការបរទេសអ៊ីរ៉ង់លោក Esmaeil Baqaei ដែលត្រូវបានដកស្រង់សម្តី ដោយប្រព័ន្ធផ្សព្វផ្សាយរដ្ឋបាននិយាយថា ទីក្រុងតេអេរ៉ង់ បានចូលរួមការចរចា”ដោយស្មោះត្រង់”ប៉ុន្តែមិនមានភាពជឿជាក់លើសហរដ្ឋអាមេរិក៕