ថ្នាក់ដឹកនាំជាន់ខ្ពស់អ៊ីរ៉ង់ នឹងមកដល់ប្រទេសប៉ាគីស្ថាន នៅយប់ថ្ងៃសុក្រទី២៥.០៤.២០២៦នេះ។
ខណៈដែលពិភពលោកកំពុង មើលនិងរង់ចាំទីក្រុងតេអេរ៉ង់ យល់ព្រមលើកិច្ចចរចាសន្តិភាពជុំទី២ជាមួយសហរដ្ឋអាមេរិក។
សារព័ត៌មានNew york post ។
ប្រភពព័ត៌មានអ៊ីរ៉ង់មួយ បាននិយាយថា រដ្ឋមន្ត្រីការបរទេសអ៊ីរ៉ង់ លោក Abbas Araghchi នឹងដឹកនាំ«គណៈប្រតិភូតូចមួយ» ទៅកាន់ទីក្រុងអ៊ីស្លាម៉ាបាដ ដែលនឹងមកដល់នៅម៉ោងប្រហែល១០ យប់ ម៉ោងក្នុងស្រុកថ្ងៃសុក្រ។
ប្រភពព័ត៌មានអ៊ីរ៉ង់មួយ បាននិយាយថា កិច្ចប្រជុំនេះទំនងជា ធ្វើឡើងទ្វេភាគីរវាងទីក្រុងអ៊ីស្លាម៉ាបាដ និងទីក្រុងតេអេរ៉ង់តែប៉ុណ្ណោះ។
មិនទាន់ច្បាស់ភ្លាមៗថា តើដំណើរនេះបង្ហាញថា ការចរចាជុំទីពីរនឹងកើតឡើងឬអត់នោះទេ។
ប៉ុន្តែបញ្ហានេះនឹងក្លាយជាប្រធានបទនៃការពិភាក្សា ក្នុងអំឡុងពេលកិច្ចប្រជុំអ៊ីរ៉ង់-ប៉ាគីស្ថាន។
យ៉ាងណាក៏ដោយ មន្ត្រីរដ្ឋាភិបាលប៉ាគីស្ថាន បានបង្ហាញសុទិដ្ឋិនិយម។
បន្ទាប់ពីការពិភាក្សាសំខាន់ៗជាមួយក្រុមសម្របសម្រួលប៉ាគីស្ថាន ការចរចាសន្តិភាពជុំទីពីរនៅទីក្រុងអ៊ីស្លាម៉ាបាដ រវាងសហរដ្ឋអាមេរិក និងអ៊ីរ៉ង់ត្រូវបានគេរំពឹងទុក»ប្រភពព័ត៌មាននេះបាននិយាយ ដោយបន្ថែមថា ពួកគេនឹងមិនចាំបាច់កើតឡើងនៅចុងសប្តាហ៍នេះទេ៕