ដោយយោងតាមការវិភាគថ្មីៗ សង្គ្រាមរវាងសហរដ្ឋអាមេរិក និងអ៊ីរ៉ង់ មិនត្រឹមតែជាជម្លោះរវាងប្រទេសទាំងពីរនោះទេ ប៉ុន្តែអាចមានគោលដៅយុទ្ធសាស្ត្រធំជាងនេះ គឺបង្កការប៉ះពាល់ដល់ប្រទេសចិនផងដែរ។
ប្រភពពីសារព័ត៌មានIran International នៅថ្ងៃទី២៧ខែមេសា។
ខណៈដែលទីក្រុងវ៉ាស៊ីនតោន និងទីក្រុងតេអេរ៉ង់ កំពុងស្វែងរកបទឈប់បាញ់យ៉ាងផុយស្រួយ មេដឹកនាំចិន Xi Jinping បានចេញមុខអំពាវនាវឱ្យបើកច្រកសមុទ្រហ័រមូសឡើងវិញ និងទាមទារបទឈប់បាញ់ភ្លាមៗ បង្ហាញថាប៉េកាំងកំពុងព្រួយបារម្ភខ្លាំងចំពោះស្ថានការណ៍នេះ។
អ្នកវិភាគមួយចំនួនជឿថា ប្រតិបត្តិការយោធារបស់សហរដ្ឋអាមេរិកប្រឆាំងអ៊ីរ៉ង់ អាចមានគោលបំណងលាក់កំបាំងក្នុងការធ្វើឱ្យប៉ះពាល់ដល់ឥទ្ធិពលរបស់ចិននៅមជ្ឈិមបូព៌ា ពិសេសតាមរយៈទំនាក់ទំនងជិតស្និទ្ធរវាងប៉េកាំង និងតេអេរ៉ង់។ ការធ្វើឱ្យអ៊ីរ៉ង់ខ្សោយ អាចនាំឱ្យចិនបាត់បង់ដៃគូសំខាន់មួយក្នុងតំបន់ និងប៉ះពាល់ដល់ផ្លូវផ្គត់ផ្គង់ថាមពលសំខាន់ៗ៕