ក្រុមហេសបូឡា បានប្រកាសនៅថ្ងៃសុក្រទី០៨.០៥.២០២៦ថា ខ្លួនបានបើកការវាយប្រហារ ដោយមីស៊ីលទៅលើមូលដ្ឋានយោធា Shraga របស់អ៊ីស្រាអែល ក្នុងការវាយប្រហារដ៏ជ្រៅបំផុតចាប់តាំងពី បទឈប់បាញ់នៅលីបង់ចូលជាធរមាននៅថ្ងៃទី17 ខែមេសា។
សារព័ត៌មានAnadolu។
ក្រុមហេសបូឡា និយាយនៅក្នុងសេចក្តីថ្លែងការណ៍មួយថា ខ្លួនបានកំណត់គោលដៅមូលដ្ឋានដែលមានទីតាំងនៅចន្លោះទីក្រុង Nahariya និង Acre ភាគខាងជើងអ៊ីស្រាអែល ជាមួយនឹងការបាញ់ផ្លោង មីស៊ីលដែលមានគុណភាព ដោយមិនបានបញ្ជាក់ប្រភេទដែលប្រើនោះទេ។
ក្រុមនេះ និយាយថា”ការវាយប្រហារនេះគឺជាការសងសឹកចំពោះការរំលោភលើបទឈប់បាញ់របស់អ៊ីស្រាអែល និងការកំណត់គោលដៅរបស់ខ្លួន ទៅលើតំបន់ជាយក្រុងភាគខាងត្បូង នៃទីក្រុង Beirut កាលពីពីរថ្ងៃមុន”។
មូលដ្ឋាននេះមានចម្ងាយប្រហែល 15 គីឡូម៉ែត្រ (9.3 ម៉ាយ) ពីព្រំដែនលីបង់ ហើយជាគោលដៅឆ្ងាយបំផុតដែលក្រុមហេសបូឡាបានប្រកាសវាយប្រហារចាប់តាំងពីបទឈប់បាញ់បានចាប់ផ្តើម។
ចាប់តាំងពីបទឈប់បាញ់ចូលជាធរមានមក ក្រុមហេសបូឡាបានធ្វើការវាយប្រហារដោយយន្តហោះគ្មានមនុស្សបើក និងរ៉ុក្កែតមានកំណត់។
ដែលភាគច្រើនកំណត់គោលដៅកងកម្លាំងអ៊ីស្រាអែលនៅក្នុងភាគខាងត្បូងលីបង់ ឬការតាំងទីលំនៅនៅជិតព្រំដែន។
សេចក្តីថ្លែងការណ៍របស់ក្រុមហេសបូឡាហ៍បានកើតឡើងប៉ុន្មានម៉ោងបន្ទាប់ពីកងទ័ពអ៊ីស្រាអែលបានរាយការណ៍ពីការបាញ់រ៉ុក្កែតចំនួនបីគ្រាប់ពីប្រទេសលីបង់ ដែលបង្កឱ្យមានសំឡេងស៊ីរ៉ែននៅក្នុងតំបន់ឈូងសមុទ្រហៃហ្វា និងទីក្រុងណាហារីយ៉ា និងអាក្រេ ដែលជាឧប្បត្តិហេតុបែបនេះលើកដំបូងចាប់តាំងពីបទឈប់បាញ់បានចាប់ផ្តើម៕