ជំនន់ទឹកភ្លៀងនៅភាគកណ្តាលប្រទេសចិន បានបណ្តាលឲ្យមនុស្សស្លាប់យ៉ាងហោចណាស់៥នាក់ និងបាត់ខ្លួន១១នាក់ ខណៈក្រុមជួយសង្គ្រោះកំពុងបន្តស្វែងរកអ្នកដែលនៅសល់។
ប្រភពពីសារព័ត៌មានAnadolu Agency នៅថ្ងៃទី២០ខែឧសភា។
តាមសារព័ត៌មានរដ្ឋចិនបានឲ្យដឹងថា ភ្លៀងធ្លាក់ចាប់ផ្តើមតាំងពីថ្ងៃទី១៧ ខែឧសភា នៅខេត្តHunanនិងបានបណ្តាលឲ្យមានទឹកជំនន់ធ្ងន់ធ្ងរនៅតំបន់ជាច្រើន។
អាជ្ញាធរបានជម្លៀសប្រជាជន និងប្រើឧបករណ៍ធុនធ្ងន់ដើម្បីជួយអ្នកដែលជាប់គាំង ដោយសារផ្លូវជាច្រើនមិនអាចធ្វើដំណើរបាន។
គួរបញ្ជាក់ថា ប្រទេសចិនជាញឹកញាប់ជួបគ្រោះទឹកជំនន់ក្នុងរដូវភ្លៀង ដែលប៉ះពាល់ខ្លាំងដល់តំបន់កណ្តាល និងភាគខាងត្បូង៕
