(សៀមរាប)៖ លោក ធា សថានី អភិបាលរងក្រុងសៀមរាប បានថ្លែងទទួលស្គាល់ថា រដ្ឋបាលក្រុង ពិតជាបានយកលុយពីអ្នកទទួលផ្ញើម៉ូតូ ត្រង់ចំណុចមាត់ស្ទឹង ក្នុង១ខែៗចំនួន៤០០ដុល្លារប្រាកដមែន!!។
ចំពោះការប្រមូលលុយពីបងប្អូនប្រជាពលរដ្ឋ អ្នកលក់ដូរតាមបណ្ដោយមាត់ស្ទឹង ក្នុង១យប់ចំនួន៣.០០០រៀល សម្រាប់១រទេះនោះ ក៏លោកអភិបាលរងក្រុង ទទួលស្គាល់ដែរថា ពិតជាបានយកពីពួកគាត់ប្រាកដមែន!!។
ប៉ុន្តែលោក ធា សថានី
គឺជាការស្ម័គ្រចិត្ត ពុំមានការបង្ខិតបង្ខំឡើយ ហើយលុយដែលប្រមូលបានទាំងនោះ យកមកផ្គត់ផ្គង់កម្លាំងសណ្ដាប់ធ្នាប់ក្រុងនិងប្រជាការពារ.!!។
សូមជម្រាបថា ទីតាំងដីសាធារណៈដែលប្រជាពលរដ្ឋ រាប់សិបនាក់កំពុងលក់ដូរ និងបង់លុយឱ្យអាជ្ញាធរនោះ
គឺស្ថិតនៅតាមបណ្ដោយមាត់ស្ទឹង ក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប.!។
*បើទោះបីជាអាជ្ញាធរ អះអាងថា ពលរដ្ឋបង់លុយឱ្យខ្លួនដោយស្ម័គ្រចិត្តក៏ដោយ!។
ប៉ុន្តែអាជីវករអ្នកលក់.នំប៉័ងសាច់.ប្រហិតចៀន.ការ៉េម.ភ្លៅមាន់បំពង.ពងទាកូន.ទឹកអំពៅ.បង្អែម.ទឹកក្រឡុក.សាច់អាំង.គ្រឿងក្លែម.បបរស.បបរគ្រឿង.បាយឆា.មីឆា.តាមរទេះនិងរ៉ឺម៉កម៉ូតូ បានលើកឡើងដូចៗគ្នាថា ខ្លួនអាចលក់ដូរនៅទីនេះបាន ក៏ព្រោះតែបង់លុយឱ្យសណ្ដាប់ធ្នាប់ក្រុង ក្នុង១ថ្ងៃៗចំនួន៣.០០០រៀល សម្រាប់១រទេះជាកំហិត.!!។
ពោលគឺ ឱ្យតែពេលព្រលប់ៗ ដឹងតែកម្លាំងសណ្ដាប់ធ្នាប់ដើរប្រមូលលុយពីពួកខ្លួនរាល់ថ្ងៃមិនដែលខាន.!។
ក្នុងនោះដែរ ខាងភាស៊ីអនាម័យ គេយក២ថ្ងៃម្ដង គឺ១រទេះចំនួន១.៥០០រៀលទៀត.!។
និយាយជារួមសកម្មភាពនៃការប្រមូលលុយទាំងនេះ ពុំមែនទើបនិងកើតឡើងនោះទេ គឺរាប់ឆ្នាំមកហើយ.!។
ខណៈដែលក្រុងសៀមរាប ជាតំបន់ទេសចរណ៍ដ៏សំខាន់ ធ្វើឱ្យប្រជាពលរដ្ឋរាប់សិបនាក់ប្រើរទេះរុញនិងរ៉ឺម៉កចល័តរៀងៗខ្លួន ដើម្បីឈរជើងលក់ដូរតម្រៀបគ្នា តាមបណ្ដោយមាត់ស្ទឹងសាធារណៈ ក្នុង១ប្លង់ៗទំហំប្រហែល២ទៅ៣ម៉ែត្រ! ជាហេតុនាំឱ្យអាជ្ញាធរក្រុង អាចប្រមូលលុយបានរាប់សិបលានរៀលក្នុង១ខែៗ.!។
*បើតាមអាជីវករ សម្រាប់ការសេងទីតាំងប្ដូរម្ចាស់នីមួយៗ គឺពលរដ្ឋអ្នកមកក្រោយ ត្រូវចំណាយលុយទិញពីអ្នកមុន ចាប់ពី១.៥០០ដុល្លារទៅ៣.០០០ដុល្លារ តាមកន្លែងតូចឬធំ.!។
បន្ថែមពីនេះ ពួកគេក៏ត្រូវជូនលុយទៅខាងសណ្ដាប់ធ្នាប់ ចាប់ពី១០០ដុល្លារទៅ២០០ដុល្លារផងដែរ.!!។
*មិនតែប៉ុណ្ណោះ អ្នកទទួលផ្ញើម៉ូតូត្រង់ចំណុចមាត់ស្ទឹង ទល់មុខ”កាហ្វេអាម៉ាហ្សូន”ក៏បានអះអាងដែរថា ខ្លួនធ្វើអាជីវកម្មរាល់ថ្ងៃនេះ គឺបានបង់ឲ្យសាលាក្រុងសៀមរាប ក្នុង១ខែៗចំនួន៤០០ដុល្លារយ៉ាងទៀងទាត់! និងបង់ឱ្យសណ្ដាប់ធ្នាប់ចំនួន៣០០.០០០រៀលក្នុង១ខែទៀត.!!។
*ដើម្បីឱ្យមានចម្លើយទាំងសងខាងនៅថ្ងៃទី២៤.០៥.២០២៦”ដើមរាំង”បានសុំការបំភ្លឺ ពីអ្នកដើរប្រមូលលុយតាមរយៈទូរស័ព្ទលេខ0719861798 ដោយលោកថ្លែងថា ខ្លួនពិតជាបានដើរយកលុយពីប្រជាពលរដ្ឋក្នុង១រទេះ.ចំនួន៣.០០០រៀលជារៀងរាល់យប់ប្រាកដមែន.!។
លោកបន្តថា ខ្ញុំដឹងតែដើរប្រមូលលុយប៉ុណ្ណោះ ត្រង់គេយកលុយទាំងនោះទៅប្រើការលើអ្វី គឺលោកមិនដឹងឡើយទាល់តែសួរទៅខាងរដ្ឋបាលក្រុង.!។
*លោក ហេង គា មេភូមិមណ្ឌល១ បានថ្លែងស្រដៀងគ្នាថា ពិតជាមានការប្រមូលលុយពីប្រជាពលរដ្ឋអ្នកលក់ដូរតាមមាត់ស្ទឹងប្រាកដមែន!។
*រីឯលោក ហ៊ា ហាវ ចៅសង្កាត់ស្វាយដង្គំ
បានថ្លែងថា ខ្ញុំមិនដឹងទេរឿងយកលុយពីអ្នកលក់ដូរអីទាំងនុង.!។
*ចំណែកលោក នួន ពុទ្ធារ៉ា អភិបាលក្រុងសៀមរាប
បានរុញឱ្យទៅសួរលោក ធា សថានី អភិបាលរងក្រុង ទទួលបន្ទុកទើបច្បាស់.!។
ក្នុងនោះលោក ធា សថានី អភិបាលរងក្រុងបានថ្លែងទទួលស្គាល់ចំពោះការយកលុយដូចខាងលើ.!!។
*ចំពោះលោក លី វណ្ណៈ អ្នកនាំពាក្យរដ្ឋបាលខេត្តសៀមរាប
បានថ្លែងប្រាប់”ដើមរាំង”នៅថ្ងៃទី២៥.០៥.២០២៦ថា រដ្ឋបាលខេត្ត ពុំមានគោលការឱ្យយកលុយពីពលរដ្ឋនោះទេ.!។
-ចំពោះសំណួរថា ចុះហេតុអ្វីបានជាខាងសណ្ដាប់ធ្នាប់ក្រុង ប្រមូលលុយដូចចំនួនខាងលើ..!។
-ត្រង់ចំណុចនេះលោក លី វណ្ណៈ បានឆ្លើយថា នោះអាចជាការចាត់ចែងក្នុងមូលដ្ឋានរបស់ក្រុង ខណៈខេត្ត មិនមានគោលការឡើយ.!!។
*ទោះជាយ៉ាងនេះក្ដី ពលរដ្ឋមួយចំនួនក៏ដូចជាមហាជនទូទៅ សុំស្នើដល់ឯកឧត្ដម ប្រាក់ សោភ័ណ អភិបាលខេត្តសៀមរាប
ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ
ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ
ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មេត្តាចាត់វិធានការវះកាត់ ចំពោះមន្ត្រីខិលខូច ដែលឆ្លៀតឱកាសសំងំកើបលុយយ៉ាងច្រើនសន្ធឹកសន្ធាប់!ពីប្រជាពលរដ្ឋ ដែលលក់ដូរតាមមាត់ស្ទឹងសាធារណៈនៅក្រុងសៀមរាប៕
