(ភ្នំពេញ)៖ ថ្ងៃទី០៥,០៧,២០២៦ លោករ័ត្ន ស្រ៊ាង អនុប្រធានក្រុមការងារគណបក្សប្រជាជនកម្ពុជា បានចុះជួយមូលដ្ឋានខណ្ឌដង្កោ និងជាប្រធានក្រុមការងារគណបក្សប្រជាជនកម្ពុជា ចុះជួយសង្កាត់ព្រែកកំពឹស អញ្ជើញជាអធិបតីក្នុងកិច្ចប្រជុំផ្សព្វផ្សាយសាររបស់ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ក្នុងទិវារំឭកខួបលើកទី៧៥ នៃថ្ងៃបង្កើតគណបក្សប្រជាជនកម្ពុជា បានរៀបចំឡើងនៅបរិវេណទីស្នាក់ការ គណៈកម្មាធិការគណបក្សសង្កាត់ព្រែកកំពឹស និងអញ្ជើញចូលរួមក្នុងឱកាសនោះរួមមាន លោក អ៊ុយ សុន អនុប្រធានក្រុមការងារ លោក កន សុកេន ប្រធានគណៈកម្មាធិការគណបក្សសង្កាត់ ព្រមទាំង ឯកឧត្តម អស់លោកជាគណៈប្រតិភូអមដំណើរ លោក លោកស្រីក្នុងជួរគណៈកម្មាធិការគណបក្សសង្កាត់ គណៈសាខាបក្សភូមិ ប្រធានអនុសាខាបក្ស ប្រធាន-អនុប្រធានក្រុមបក្ស និងសមាជិកយុវជនសង្កាត់ សរុបមានចំនួន ៨៧៩នាក់ស្រីចំនួន៣៧៩នាក់។
នៅកម្មវីធីនេះ លោកចៅសង្កាត់ ក៏បានថ្លែងអំណរគុណ ឧត្តមសេនីយ៍ឯក រ័ត្ន ស៊្រាង ដែលបានជួយឧបត្ថម្ភជាថវិកា និងសម្ភារៈជួយដោះស្រាយបានទាន់ពេលវេលាតាមការស្នើសុំរបស់ក្រុមការងារភូមិសង្កាត់ក៏ដូចជា៖ បានផ្តល់ថ្មមិចចាក់ក្រាលផ្លូវដីមួយខ្សែប្រវែង100ម៉ែត្រ ស្របជាប់របងសាលាវិទ្យាល័យព្រែកកំពឹស និងជួយជាថវិកាដើម្បីជួលគ្រឿងចក្រចុះកាយប្រឡាយប្រវែង80ម៉ែត្រ ដើម្បីធានារំដោះទឹកចេញពីក្នុងបរិវេណសាលា ព្រមទាំងបានជួយប្រេងម៉ាស៊ូតចំនួន350លីត្រ និងជួលគ្រឿងចក្រអ៊ិចស្កាវ៉ាទ័រ ដើម្បីចុះកាយស្តារប្រឡាយរំដោះទឹកមួយខ្សែ ប្រវែង1,000ម៉ែត្រ ដើម្បីបើកមុខបង្ហូររំដោះទឹកជំនន់ទឹកភ្លៀងដែលហូរចុះពីសង្កាត់ស្ពានថ្ម និងសង្កាត់រលួសដែលធ្វេីឱ្យលិចលង់ដំណាំស្រូវរបស់ប្រជាពលរដ្ឋ។
ស្របពេលនោះដែរ លោកឧត្តមសេនីយ៍ឯក រ័ត្ន ស្រ៊ាង បាននាំយកអាហារសម្រន់ ភេសជ្ជៈ និងជែលបិទបញ្ចុះកម្តៅ ចែកជូនដល់សមាជិក សមាជិកាដែលបានចូលរួមក្នុងកម្មវិធីនោះគ្រប់ៗគ្នា៕
