នៅថ្ងៃទី៦ខែកក្កដា អ៊ីរ៉ង់ ចាប់ផ្តើមក្បួនដង្ហែសពមេដឹកនាំកំពូល លោកអាយ៉ាតូឡា អាលី ខាមេនី ដោយមានប្រជាពលរដ្ឋរាប់ម៉ឺននាក់ប្រមូលផ្តុំគ្នានៅតាមដងផ្លូវក្នុងរដ្ឋធានី ដើម្បីចូលរួមគោរពវិញ្ញាណក្ខន្ធរបស់លោក។
ប្រភពពីសារព័ត៌មានAP។
មឈូសរបស់លោក ខាមេនី និងសមាជិកគ្រួសារដែលបានស្លាប់ក្នុងការវាយប្រហារតាមអាកាសកាលពីថ្ងៃទី២៨ ខែកុម្ភៈ ត្រូវបានរុំដោយទង់ជាតិអ៊ីរ៉ង់ និងដឹកលើរថយន្តដែលតុបតែងឱ្យមានលក្ខណៈស្រដៀងទីសក្ការបូជាសាសនា។ ប្រជាពលរដ្ឋស្លៀកពាក់ខ្មៅបាននាំគ្នាលូកដៃប៉ះមឈូស និងបោះក្រមា ឬវត្ថុផ្សេងៗឱ្យប៉ះមឈូស ដើម្បីសុំសេចក្ដីប្រសិទ្ធពរតាមជំនឿប្រពៃណី។
ដោយសារមានមនុស្សចូលរួមយ៉ាងច្រើន អាជ្ញាធរបានប្រើឧបករណ៍បំពងសំឡេងអំពាវនាវឱ្យពលរដ្ឋដើរយឺតៗ កុំរុញច្រានគ្នា និងឈរនៅតាមគែមផ្លូវ ដើម្បីការពារគ្រោះថ្នាក់ពីការកកស្ទះហ្វូងមនុស្ស។ បុគ្គលិកក៏បានបាញ់ទឹកទៅលើហ្វូងមនុស្ស ដើម្បីបន្ថយកម្ដៅក្នុងអាកាសធាតុរដូវក្តៅផងដែរ៕
