មានគ្រាប់បែកផ្ទុះនៅក្បែរសណ្ឋាគារដែលប្រធានាធិបតីបារាំង លោក Emmanuel Macron កំពុងស្នាក់ នៅក្នុងប្រទេសស៊ីរី នាថ្ងៃអង្គារទី០៧.០៧.២០២៦។
ប៉ុន្តែលោក Macron មិនបានឮសំឡេងផ្ទុះទេ ហើយបើតាមវិមាន Elysee លោក Macron បានជួបប្រធានាធិបតីស៊ីរី Ahmed al-Sharaa ។
សារព័ត៌មាន Reuters។
សាក្សីម្នាក់របស់ Reuters បានឮសំឡេងផ្ទុះ និងឃើញផ្សែងហុយឡើង។
ផ្លូវថ្នល់ត្រូវបានបិទ ហើយវិធានការសន្តិសុខត្រូវបានអនុវត្ត វិមាន Elysee បានឱ្យដឹងថា សំឡេងផ្ទុះមិនអាចស្តាប់ឮ ពីក្នុងក្បួនរថយន្តប្រធានាធិបតីទេ ហើយអ្នកកាសែត Reuters ម្នាក់ ដែលនៅជាមួយក្រុមសារព័ត៌មា នដែលអមដំណើរលោកម៉ាក្រុង ក៏មិនបានឮសំឡេងផ្ទុះ ឬឃើញភាពចលាចលណាមួយដែរ។
ទូរទស្សន៍រដ្ឋបានរាយការណ៍ថា លោក Macron និងលោក Sharaa បានជួបគ្នានៅឯវិមានប្រធានាធិបតីស៊៊ីរី។ វិមានប្រធានាធិបតីបារាំង ក៏បានបញ្ជាក់ដែរថា លោក Macron មានសុវត្ថិភាព ហើយកំពុងបន្តដំណើរទស្សនកិច្ចជាធម្មតា។
ទស្សនកិច្ចរបស់លោក Macron សបញ្ជាក់ឱ្យឃើញពីភាពប្រែប្រួលខាងភូមិសាស្ត្រនយោបាយស៊ីរី ក្រោមការដឹកនាំរបស់លោក Sharaa ដែលជាអតីតមេបញ្ជាការក្រុមអាល់កៃដា និងដែលបានបង្កើតទំនាក់ទំនងជិតស្និទ្ធ ជាមួយមហាអំណាចលោកខាងលិច៕
