ស្ថានការណ៍សង្គ្រាមនៅមជ្ឈិមបូព៌ាកាន់តែតានតឹង ដោយអ៊ីរ៉ង់បានវាយប្រហារទៅលើទីតាំងរ៉ាដា និងប្រព័ន្ធការពារដែនអាកាសរបស់អាមេរិកនៅតំបន់ឈូងសមុទ្រ។ ប្រទេសបារ៉ែន និងគុយវ៉ែតបាននិយាយថា ពួកគេបានស្ទាក់ចាប់មីស៊ីលរបស់អ៊ីរ៉ង់ ខណៈនៅហ្ស៊កដានី អ៊ីរ៉ង់អះអាងថាបានវាយប្រហារមូលដ្ឋានទ័ពអាកាសអាមេរិក Al-Azraq។
ប្រភពពីសារព័ត៌មានAl Jazeera នៅថ្ងៃទី២៤ខែកក្កដា។
នៅអ៊ីរ៉ាក់ អាកាសយានដ្ឋាន Erbil បានបើកដំណើរការឡើងវិញ បន្ទាប់ពីដ្រូនមួយបានធ្លាក់នៅក្បែរអាកាសយានដ្ឋាន។
ជាមួយគ្នានេះ នៅតំបន់ West Bank មានមនុស្ស ៦នាក់ស្លាប់ រួមមានជនជាតិប៉ាឡេស្ទីន ៤នាក់ និងជនជាតិអ៊ីស្រាអែល ២នាក់ ក្នុងការបាញ់ប្រហារមួយនៅក្បែរតំបន់តាំងទីលំនៅរបស់អ៊ីស្រាអែល។ បន្ទាប់ពីហេតុការណ៍នេះ កងទ័ពអ៊ីស្រាអែលបានចាប់ផ្តើមប្រតិបត្តិការទ្រង់ទ្រាយធំនៅទីក្រុង Nablus និងភូមិជុំវិញក្នុងតំបន់ West Bank ដែលកាន់កាប់ដោយអ៊ីស្រាអែល៕
