ប្រទេសបារាំងនិងអេស្ប៉ាញ បានជម្លៀសប្រជាជនប្រហែល១៦០.០០០នាក់ ដោយសារភ្លើងឆេះព្រៃ កំពុងបន្តរាលដាលនៅថ្ងៃសៅរ៍ ទី២៥ ខែកក្កដា ឆ្នាំ២០២៦ ឆ្ពោះទៅក្បែរទីក្រុងម៉ាឌ្រីដ Madrid និងទីក្រុង Bordeaux ដោយក្នុងនោះកងទ័ពបារាំង ត្រូវបានបញ្ជូនឱ្យទៅចូលរួមក្នុងប្រតិបត្តិការពន្លត់ភ្លើងឆេះព្រៃដ៏អាក្រក់មួយនេះផងដែរ
សារព័ត៌មាន AFP។
អណ្តាតភ្លើងឆេះព្រៃ បានភាយទៅដល់កណ្ដាលទីក្រុង Madrid នៅថ្ងៃសៅរ៍នេះ ចំពេលនាយករដ្ឋមន្ត្រីអេស្ប៉ាញ លោក Pedro Sanchez ត្រូវបានរំពឹងថានឹងធ្វើទស្សនកិច្ចទៅកាន់តំបន់រងគ្រោះដោយសារភ្លើងឆេះព្រៃ។
ភ្លើងឆេះព្រៃធំៗ បានឆាបឆេះអស់រយៈពេល២ ទៅ៣ថ្ងៃ មកហើយ។
ក្រុមអ្នកពន្លត់អគ្គិភ័យជាច្រើន រយនាក់នៅតែបន្តតស៊ូប្រយុទ្ធពន្លត់ អណ្ដាតភ្លើង តែនៅតែមិនទាន់អាចគ្រប់គ្រងស្ថានការណ៍បាននៅឡើយទេ ទាំងបារាំង និងអេស្ប៉ាញ សុទ្ធតែបានស្នើសុំជំនួយពីសហភាពអឺរ៉ុបដូចគ្នា!។
ប្រធានាធិបតីបារាំង លោក Emmanuel Macron កាលពីថ្ងៃសុក្រ បានបង្គាប់ឱ្យកងទ័ពចូលរួមក្នុងប្រតិបត្តិការពន្លត់ភ្លើងឆេះព្រៃដ៏អាក្រក់បំផុត។
ដែលរដ្ឋមន្ត្រីមហាផ្ទៃបារាំង លោក Laurent Nunez បាននិយាយថាបារាំង មិនធ្លាប់បានជួបប្រទះពីមុនមក។
មនុស្សយ៉ាងហោច១៤១.០០០នាក់ត្រូវបានជម្លៀសក្នុងតំបន់ភាគនិរតីប្រទេសបារាំង។
ចំណែក ប្រជាជន២៥.០០០នាក់ត្រូវបានជម្លៀសក្នុងតំបន់រដ្ឋធានី Madrid។
នៅអេស្ប៉ាញ មានប្រជាជនជិត ៤០.០០០នាក់ត្រូវបង្គាប់ឱ្យស្នាក់នៅក្នុងផ្ទះ។
ភ្លើងឆេះព្រៃនៅក្នុងប្រទេសបារាំង និងអេស្ប៉ាញ បង្កឡើងដោយសារតែព្រៃឈើមានសភាពស្ងួតខ្លាំងពេកបណ្ដាលមកពី រលកកម្ដៅដែលកើតឡើងជាបន្តបន្ទាប់កាលពីខែឧសភាកន្លងទៅ៕
