តុលាការរដ្ឋNew Mexico របស់សហរដ្ឋអាមេរិក បានបង្គាប់ឱ្យក្រុមហ៊ុនMeta ដែលជាម្ចាស់Facebook និង Instagram បង់ប្រាក់ចំនួន៥៦៧លានដុល្លារ និងកែប្រែរបៀបដំណើរការបណ្ដាញសង្គមរបស់ខ្លួនសម្រាប់អ្នកប្រើប្រាស់វ័យក្មេង។
ប្រភពពីសារព័ត៌មានAl Jazeera នៅថ្ងៃទី៧ខែសីហា។
ការសម្រេចនេះកើតឡើងបន្ទាប់ពីតុលាការរកឃើញថា Meta បានធ្វើឱ្យប៉ះពាល់ដល់សុខភាពផ្លូវចិត្តរបស់កុមារ និងយុវជន ដោយមិនបានបង្ហាញច្បាស់ពីហានិភ័យរបស់ Facebook និង Instagram។
ក្នុងចំណោមប្រាក់ពិន័យនេះ ប្រហែល ៤២០លានដុល្លារ នឹងត្រូវប្រើសម្រាប់សេវាព្យាបាល និងជួយយុវជន ខណៈប្រាក់ដែលនៅសល់នឹងប្រើសម្រាប់ការអប់រំ ការពារ និងត្រួតពិនិត្យក្នុងរយៈពេល៥ឆ្នាំខាងមុខ។
រដ្ឋអាជ្ញាបានទាមទារឱ្យ Meta កែប្រែប្រព័ន្ធរបស់ខ្លួន ដូចជា កាត់បន្ថយមុខងារដែលបង្កឱ្យញៀន បង្កើនការផ្ទៀងផ្ទាត់អាយុ និងការពារកុមារពីការរំលោភបំពានតាមអ៊ីនធឺណិត៕
