ក្រុមជួយសង្គ្រោះនៅប្រទេសកូឡុំប៊ី កំពុងប្រញាប់ប្រញាល់ស្វែងរក និងជួយសង្គ្រោះមនុស្សនៅរស់ក្រោមគំនរបាក់បែក បន្ទាប់ពីរញ្ជួយដីដ៏ខ្លាំងកាលពីថ្ងៃចន្ទ។
ប្រភពពីសារព័ត៌មានReuter នៅថ្ងៃទី១៥ខែសីហា។
រហូតមកដល់ថ្ងៃទី១៤ ខែសីហា មនុស្សយ៉ាងហោចណាស់ ២៨៧នាក់បានស្លាប់ ហើយមនុស្សជាច្រើនទៀតនៅបាត់ខ្លួន។
នៅទីក្រុង Cali ក្រុមអ្នកជួយសង្គ្រោះបានឮសំឡេងចេញពីអគារលំនៅដ្ឋានដែលបាក់រលំ។ ការរកឃើញសំឡេងនេះផ្តល់ក្តីសង្ឃឹមថា អាចនៅមានមនុស្សរស់រានមានជីវិតនៅក្រោមគំនរបាក់បែក បើទោះបីជារញ្ជួយដីបានកើតឡើងអស់រយៈពេល ៤ថ្ងៃហើយក៏ដោយ។
ក្រុមជួយសង្គ្រោះកំពុងបន្តយកបេតុង និងកម្ទេចអគារចេញ ដើម្បីព្យាយាមឈានទៅដល់អ្នកដែលជាប់នៅខាងក្រោម។ អាជ្ញាធរក៏ព្រមានថា មនុស្សជាច្រើនទៀតអាចនឹងបាត់បង់ផ្ទះសម្បែង និងត្រូវជម្លៀសទៅកន្លែងសុវត្ថិភាព៕
