មនុស្សម្នាក់បានស្លាប់ និងជនស៊ីវិល ៨នាក់រងរបួស បន្ទាប់ពីក្រុមហ៊ូធីបានវាយប្រហារលើកំពង់ផែ និងតំបន់កណ្តាលស្រុកអាល់ម៉ូខា ក្នុងខេត្តតៃអ៊ីស ភាគនិរតីប្រទេសយេម៉ែន។
ប្រភពពីសារព័ត៌មានAnadolu Agency នៅថ្ងៃទី ១៥ សីហា ២០២៦។
តាមសារព័ត៌មានរដ្ឋ Saba TV ការវាយប្រហារបានកើតឡើងជាច្រើនថ្ងៃ ដោយប្រើមីស៊ីលបាលីស្ទិក៤០គ្រាប់ ដ្រូន៤៦គ្រឿង និងទូកផ្ទុកគ្រឿងផ្ទុះ។ ការវាយប្រហារបានផ្តោតលើកំពង់ផែអាល់ម៉ូខា និងហេដ្ឋារចនាសម្ព័ន្ធសំខាន់ៗដែលផ្តល់សេវាដល់ប្រជាពលរដ្ឋ។
មន្ត្រីសន្តិសុខកំពង់ផែម្នាក់ត្រូវបានសម្លាប់ ខណៈនាវិកពីរនាក់ទៀតកំពុងបាត់ខ្លួន។ អាល់ម៉ូខា គឺជាកំពង់ផែសំខាន់មួយដែលមានទីតាំងជាប់សមុទ្រក្រហម និងស្ថិតក្រោមការគ្រប់គ្រងរបស់កងកម្លាំងដែលគាំទ្ររដ្ឋាភិបាលយេម៉ែន៕
