នៅថ្ងៃទី ១៨ ខែសីហា ឆ្នាំ២០២៦ នាវាដឹកទំនិញមួយគ្រឿងដែលកំពុងធ្វើដំណើរឆ្លងកាត់ច្រកសមុទ្រHormuz ត្រូវបានវត្ថុមិនស្គាល់ប្រភេទមួយវាយប្រហារ បណ្តាលឱ្យផ្នែកម៉ាស៊ីនរបស់នាវារងការខូចខាត និងមានសមាជិកនាវិកម្នាក់រងរបួស។
ប្រភពពីសារព័ត៌មានAl Jazeera។
ហេតុការណ៍នេះកើតឡើង ខណៈភាពតានតឹងរវាង អ៊ីរ៉ង់ និងសហរដ្ឋអាមេរិក កំពុងកើនឡើង។ ប្រធានាធិបតីអាមេរិក Donald Trump បាននិយាយថា អាមេរិកមិនចង់បន្តកិច្ចព្រមព្រៀងបណ្តោះអាសន្នជាមួយអ៊ីរ៉ង់ ដែលបានផុតកំណត់កាលពីថ្ងៃចន្ទនោះទេ។
លោកTrump ក៏បានទាមទារឱ្យអ៊ីរ៉ង់ចុះចាញ់។
សូមបញ្ជាក់ថា៖ ច្រកសមុទ្រ Hormuz គឺជាផ្លូវសមុទ្រដ៏សំខាន់សម្រាប់ការដឹកជញ្ជូនប្រេង និងឧស្ម័នទៅកាន់ទីផ្សារពិភពលោក។ ដូច្នេះ ការវាយប្រហារលើនាវានៅតំបន់នេះអាចបង្កការព្រួយបារម្ភបន្ថែមអំពីសុវត្ថិភាពនៃការដឹកជញ្ជូន និងការផ្គត់ផ្គង់ថាមពលពិភពលោក៕
