សមយុទ្ធយោធាប្រចាំឆ្នាំរវាងសហរដ្ឋអាមេរិក និងកូរ៉េខាងត្បូង ត្រូវបានសម្រេចបញ្ចប់មុនកាលកំណត់ជិតមួយសប្តាហ៍ បន្ទាប់ពីប្រធានាធិបតីអាមេរិក លោក Donald Trump បានបញ្ជាឱ្យកាត់បន្ថយសមយុទ្ធនេះ។
ប្រភពពីសារព័ត៌មានCNA នៅថ្ងៃទី១៩ខែសីហា។
សមយុទ្ធ Ulchi Freedom Shield (UFS) បានចាប់ផ្តើមនៅថ្ងៃទី១៧ ខែសីហា ហើយដើមឡើយគ្រោងនឹងបញ្ចប់នៅថ្ងៃទី២៧ ខែសីហា។ ប៉ុន្តែយោធាកូរ៉េខាងត្បូងបានប្រកាសថា សមយុទ្ធនឹងបញ្ចប់នៅថ្ងៃទី២១ ខែសីហា។
លោក Trump បាននិយាយថា លោកចង់កាត់បន្ថយសមយុទ្ធ ដោយលើកឡើងពីទំនាក់ទំនងល្អជាមួយមេដឹកនាំកូរ៉េខាងជើង លោក Kim Jong Un និងចាត់ទុកសមយុទ្ធនេះថា ជាសកម្មភាពមិនសមរម្យ និងអរិភាពចំពោះកូរ៉េខាងជើង។
កូរ៉េខាងជើងបានរិះគន់សមយុទ្ធនេះយ៉ាងខ្លាំង ដោយចាត់ទុកថាជាការហ្វឹកហាត់ត្រៀមឈ្លានពានប្រទេសខ្លួន។ ប្រព័ន្ធផ្សព្វផ្សាយរដ្ឋកូរ៉េខាងជើងបានហៅសមយុទ្ធនេះថា ជា “ការគំរាមកំហែងបន្ទាន់ និងបើកចំហបំផុត” ចំពោះសន្តិសុខរបស់ខ្លួន និងតំបន់។
បច្ចុប្បន្ន សហរដ្ឋអាមេរិកមានទាហានប្រមាណ ២៨,៥០០នាក់ ឈរជើងនៅកូរ៉េខាងត្បូង ដើម្បីជួយពង្រឹងការការពារប្រទេសនេះ៕
