យ៉ាងហោចណាស់មនុស្ស២៤នាក់បានស្លាប់ បន្ទាប់ពីក្រុមខ្មាន់កាំភ្លើងបានវាយប្រហារនៅសហគមន៍ Bin-Per ក្នុងរដ្ឋ Plateau ភាគកណ្តាលភាគខាងជើងប្រទេសនីហ្សេរីយ៉ា កាលពីយប់ថ្ងៃចន្ទឈានចូលថ្ងៃអង្គារ។
ប្រភពពីសារព័ត៌មានTRT World នៅថ្ងៃទី១៩ខែសីហា។
តាមប្រភពក្នុងតំបន់ ក្រុមជនប្រដាប់អាវុធបានចូលវាយប្រហារតាមផ្ទះ ខណៈប្រជាពលរដ្ឋកំពុងដេកលក់។ ក្នុងហេតុការណ៍នេះ ផ្ទះចំនួន ៣៨ខ្នងត្រូវបានដុតបំផ្លាញ ហើយដីស្រែ ស្បៀងអាហារ និងទ្រព្យសម្បត្តិផ្សេងៗក៏ត្រូវបានបំផ្លាញផងដែរ។
មន្ត្រីក្នុងតំបន់បានអំពាវនាវឱ្យកងកម្លាំងសន្តិសុខបង្កើនការការពារ និងដាក់ពង្រាយកម្លាំងឱ្យបានឆាប់រហ័សនៅតំបន់ដែលងាយរងការវាយប្រហារ។ ជាមួយគ្នានេះ ក៏មានការស្នើសុំជំនួយបន្ទាន់ ដូចជា អាហារ ទីជម្រក និងការព្យាបាលសម្រាប់ប្រជាពលរដ្ឋដែលរងផលប៉ះពាល់។
រដ្ឋ Plateau គឺជាតំបន់មួយក្នុងប្រទេសនីហ្សេរីយ៉ា ដែលធ្លាប់ប្រឈមនឹងអំពើហិង្សារវាងសហគមន៍ និងការវាយប្រហារដោយក្រុមប្រដាប់អាវុធជាបន្តបន្ទាប់៕
