ដ្រូនរបស់អ៊ុយក្រែនបានវាយប្រហារមជ្ឈមណ្ឌលភស្តុភារដ៏ធំមួយនៅជាយក្រុងមូស្គូក្នុងអំឡុងពេលយប់ បណ្តាលឱ្យឃ្លាំងទំនិញមួយក្នុងចំណោមឃ្លាំងលក់រាយធំបំផុតរបស់រុស្ស៊ីឆេះយ៉ាងខ្លាំង និងបង្កឱ្យមានផ្សែងខ្មៅហុយឡើងលើមេឃ។
ប្រភពពីសារព័ត៌មានAp នៅថ្ងៃទី១៩ខែសីហា។
នៅភាគខាងត្បូងប្រទេសអ៊ុយក្រែន ក្រុមទាហាននៃកងពលដ្រូនទី ៤១៣ “Raid” ក៏បានត្រៀមបើកការវាយប្រហារថ្មី ដោយប្រមូលដ្រូនប្រភេទយន្តហោះខ្នាតតូចប្រមាណ ២០ គ្រឿង ដែលផ្ទុកគ្រឿងផ្ទុះ ហើយបញ្ជូនវាឆ្ពោះទៅកាន់ប្រទេសរុស្ស៊ី។
ការវាយប្រហារទាំងនេះបង្ហាញពីការប្រើប្រាស់យុទ្ធសាស្ត្ររបស់អ៊ុយក្រែនក្នុងការប្រើដ្រូនរយៈចម្ងាយឆ្ងាយ ដើម្បីវាយប្រហារគោលដៅយោធា ឧស្សាហកម្ម និងភស្តុភារនៅជ្រៅក្នុងទឹកដីរុស្ស៊ី ដែលស្ថិតនៅឆ្ងាយពីសមរភូមិជួរមុខ៕
